最近又重拾返寫飲飲食食既紀錄啦 ! 識我既人都知我把口食唔停,
勁中意食野, 但又算係雀仔肚, 唔可以一次過食得太多 (扮細食...XDDD)
今次同幾個朋友食完飯後, 走左去WOODHOUSE 既瀰月屋到食甜品,
其實呢間野開既時候, 我都想去食架啦, 不過又冇人陪之嘛 (泣)。
每次行WOODHOUSE經過, 呢暗野都好似幾多人咁,
可能覺得佢裝修、佈置各樣都好日式掛,
好似去左日本和菓子店咁樣, 我冇錢去日本,
唯有黎呢到扮去左日本啦 (大爆)。
其實呢...點解瀰月屋既MENU咁鬼殘既呢 ?
因乜解救佢唔過左膠先啊 ?
而家拎上手又梅又爛咁,
唔通係專登 ? 玩復古 ?
我地5個人ORDER左 5 樣甜品,
拿拿拿...噱頭呢樣野真係要做足D囉。
連個MENU都寫哂日文字, 岩哂我呢D扮識睇日文既人啦 ~~~
我地一邊睇一邊估...即係咩啊? FUN (笑)
第一款 : 葛軟米茲 (原味) $45.00
質地煙煙UN UN似笱弱, 入口有微甜,
唔會好甜好濃味既, 點左上面D粉, 其實我唔知係咪黃豆粉啊,
不過我就唔多中意點粉食, 都係保持原味岩我多D,
呢個米茲岩D唔中意太甜既朋友啊, 都幾得意既 !
第二款: 心太乜乜 (柚子味) $45.00
其實我都係睇返張單先知自己ORDER過咩,
不過張單既甜品名係咪簡稱我就唔知啦, 哈哈。
呢個甜品...唉...又係因為有得玩所以ORDER左啦,
係...真係幾鬼得意既, 每份有兩條透明狀JELLY物體,
將佢塞入去個木製既容器到, 再用支棍一插入去,
經過最底個網就會變成一條條幼幼既粉絲咁架啦。
見到嗎? 個網到仲有D殘留左既透明JELLY啊, 而個碗既冰水,
入面係有柚子醬架, 浸一浸, 食入口係好冰涼既, 有少少甜甜地,
同埋有好淡既柚子味, 而透明既JELLY就係有D似大菜糕質地,
不過冇大菜糕咁實囉。
第三款: 宇治醬抹奶酪燒 $42.00
拿...呢款我覺得係5款之中最好味既, 雖然我唔太中意綠茶,
不過原來個醬好有驚喜啊!佢個醬有淡淡既綠茶味,
仲有就係有D芝士啊...芝士啊...大愛 !!!!
唔怪得D醬有D杰杰地咁啦, 因為有芝士溝埋一齊啊, 好味醬 XDDDD
將個醬搽喺芭芙上面, 要搽厚D喎...咁樣先好味吖嘛 (爆)
不過呢, 芭芙就硬左少少, 如果鬆脆返少少就好啦。
P.S.愛濃味綠茶就可能冇咁中意呢個啦,
不過下面有一款你可能會LIKE (笑)。
第四款: 月見百滙 $52.00
呢個賣相幾靚啊, 上層有一球VANILA雪糕,
下層就有D蜜糖脆脆、芭芙碎碎, 士多啤利, 雜果, 加上士多啤利醬,
熱死辣辣見到佢即時消暑啦。
不過相比起店內其他甜品, 呢個就變得普通D囉。
第五款: 宇治抹茶流心餅 $45.00
呢一款就岩哂中意濃味綠茶既朋友啦, 拿...又係賣相好鬼靚囉。
一切開其實冇想像中咁流心, 只係得少少流出黎架咋,
入面D綠茶流心濃到有D苦, 可能係我本身受唔到苦 (大爆),
係啊, 我唔捱得苦架...WAKAKKA, 好爛啊 !
不過呢....中意綠茶既朋友就中意佢咁濃味囉...重口味綠茶之選啊 (笑)。
5個人, 埋單$229.00, 每人都唔洗$50, 價錢方面都OK,
如果下次再去, 可以再試其他甜品,
人就係貪新鮮架啦...咩都想試下吖嘛。
最後送上我地玩野搞笑相一張, 發現新大陸啊 XDDD
每次同朋友出去飲飲食食, 吹吹水真係勁開心, 講下是非又一晚,
下次再介紹其他啦, BYE BYE !!!
♥ Thanks for reading ♥
Connect with me for more update :
Connect with me for more update :
Email : chrisc.makeup@ymail.com
沒有留言:
發佈留言