好耐好耐之前喺上環返工，間中都會去5樓廚房食晏，
因為食晏一定抵食過晚餐，夜晚食環境同氣氛囉，
2人世界既話都幾好架。
今之再訪5樓，每人order 3 course，頭盤，主菜，甜品就夠了。
我既頭盤係parma ham salad，主角當然係parma ham啦，
但配角都好吸引架，有香梨、新鮮你4花果、火箭菜，
全部都係我最愛的，係極品配搭，咸白火腿加埋白梨 ＆ 無花果，
中和左啲咸味，好正。
帶子露筍salad，煎到金黃色既帶子有海鹽及黑胡椒作調味，
增加鮮味，帶子肉厚，吃著特別開心。
泰式醋沙律汁令整個沙律生色不少，抵讚。
香烤美國黑豚配迷迭香汁，其實我之前就最愛佢地既豚肉，
今次再回味好有懷念既感覺。黑豚肉嫩，肉汁豐富，
以迷迭香汁作伴中和膩感，份量都幾大添架。
香烤澳洲和牛西冷配紅酒洋蔥汁，medium烤得剛好，
切開仍然見到血水，不會overcooked，可以烤到鎖住肉汁，不
過牛味就差少少，但都算ok啊！
最後係我最最最懷念既拿破倫，芒果 & 草莓2個口味，
我比較中意芒果味，因為草莓幾酸啊！
好彩滑滑既吉士醬中和返少少酸，最想講佢個酥皮，
師傅係一層一層咁焗，食既時候先砌，
確保鬆脆既口感，好難抵擋果陣牛油香味。
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
♥ theZtyle ♥♥ Qooza Beauty ♥ Youtube Channel♥
沒有留言:
發佈留言