聖誕之前相約姊妹們喺尖咀見見面，
揀左lunch後2點零鐘避開放飯時間，
去左上樓既Espuma，估唔到呢個時段去都要等，
好彩只等左15分鐘。
一入座第一身感受係冷氣好勁，仲要係主攻下身，
即刻要杯熱水暖暖個身先得。
除左凍之後，店內擺設裝修算是簡約，
亦坐得算係舒適的。
因為未過lunch order，我地仲可以叫set lunch，
不過喺咁凍既環境下竟然熱湯售罄，局揀煙三文魚沙律啦！
不過我勁唔中意煙三文魚，大部份都係勁腥，呢次都唔例外。
野菌鮮蝦意大利飯 （$88），份量都幾細，
我地3人share食，每人只有3匙羹飯，飯既硬度適中，
唔會太硬，亦算幾creamy。
烤雞扒配焦糖蜜糖汁 （$78），塊雞扒勁似茶記果d，
只係多左幾條香草，烤得比較乾，肉汁未能保留到，
個汁亦食唔出焦糖 or 蜜糖既味道。
紐西蘭肉眼扒配紅酒燒汁 （$98），牛扒冇牛味，
似係比好多粉嗱到佢肉質都變哂，肉類應有既texture都冇埋，
最好味應該係薯條啦！
3個set lunch都有甜品 ＆ 咖啡茶，
對紅莓mousse cake亦不抱太大期望，
正所謂冇期望冇失望吖嘛，okay啦 ……不過不失。
沒有留言:
發佈留言