2016-02-26

英倫午餐 @ BRICKLANE

呢一日要食飽飽再去開工,
約左朋友同朋友媽咪一齊食個英倫午餐滿足下自己先,
其實我都好耐冇食all day breakfast啦,好想食添。
店內面積唔算大,裝修亦係簡約風,
檯同檯之間有點迫,空間感比較窄。
 
BRICKLANE的相片 - 尖沙咀

叫左我至愛嘅classic caesar salad with chicken $96,
平時食沙律加雞,啲雞都係乾同柴皮feel,
但呢到唔單止唔柴皮,仲係熱架,新鮮羅馬生菜+多芝士,
教我如何不愛它 (爆)
 
BRICKLANE的相片 - 尖沙咀

yeah...brick lane combo $139,賣相勁好,
好豐富啊!煙肉,茄汁豆,炒蛋,煙三文魚,薯餅,腸,菇,
yorkshire pudding and toast, vine tomatoes 等,
全部都唔錯,最like個炒蛋,夠熱夠滑,正啊!
 
BRICKLANE的相片 - 尖沙咀

mushroom angel hair $135,一定要食呢個,
濃濃的黑松露味,個汁夠香夠creamy,
每條麵都掛滿了汁,加上好多mushroom 好多cheese,
完完全全係我杯茶,岩哂我胃口,好味 (^_-)
 
BRICKLANE的相片 - 尖沙咀

飲品方面叫左我愛既rose latte ,賣相已經夠哂靚啦!
香滑嘅 latte 滿有玫瑰香,飲完暖笠笠大滿足啊!
 
       
♥ Thanks for reading    

 
   Find me for more update :

 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥



彷彿到了日本 @ ともえ鮨

一直冇發現原來自己工作地方附近有間隱世日本料理,
呢晚做完野朋友話不如試試,心諗冇乜所謂,試下無妨吖,
點知推門一入確實又驚又喜,我以為自己去左日本啊!
店內客人9成係日本人,但服務生係識講廣東話的。
店仔細細但頗有日本風,店員亦服務很好很貼心。
 
ともえ鮨的相片 - 尖沙咀

晚飯時段先黎個開胃小食,係麻醬豆腐,
umm...味道係可以的,但我本身唔喜歡咁既質地豆腐,
un un地黏黏地咁 ( ̄∇ ̄)
 
ともえ鮨的相片 - 尖沙咀

我地叫左個sushi set $350,全部都好新鮮好鮮味,
2個人食份量都可以,壽司豉油黃豆味好出,
唔係死咸果種,要食好西要有好豉油 (爆)
 
ともえ鮨的相片 - 尖沙咀

鹽胡椒炸雞 $95,好中意個雞皮炸到咁脆,
而且唔油膩,又唔會炸到啲雞肉乾哂,
雞肉依然keep到 juicy,好味道。
 
ともえ鮨的相片 - 尖沙咀

野菜天婦羅 $70,超中意茄子天婦羅,
粉漿唔厚自然炸起黎冇咁油膩啦!佢係炸到個茄子好多汁,
我一邊食一邊狂讚好味,青椒仔同蕃薯都係我至愛
呢個好味又抵食啊!
 
ともえ鮨的相片 - 尖沙咀

我平日唔多食魚,因為少少腥味我都怕怕,
不過銀鱈魚就例外,好中意佢少少甜甜既汁去燒,
魚肉永遠冇腥而且非常嫩滑。
 
ともえ鮨的相片 - 尖沙咀

呢間隱世小店我絕要再幫襯,服務好食物質素高,真心推介 (^_-)


 
♥ Thanks for reading    

 
   Find me for more update :

 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥



濃厚湯底是豚王

豚王的相片 - 尖沙咀

老老實實,今次第一次食豚王,平時聽得多人話佢好食,
但要排隊我又唔想,今次撞岩未到放飯時間,即刻衝入去試試先。
 
豚王的相片 - 尖沙咀

叫左豬骨湯普通硬麵,追加椰菜豬腩肉 & 蛋(少辣),
真心讚個湯好濃厚,濃得黎入口有點稠,
係啊,食拉麵我中意湯係稠稠地,
普通硬麵硬度適中,如果好似我咁食得慢,
最好叫少硬,食到尾啲麵都仲未好林吖嘛。
 
豚王的相片 - 尖沙咀

嘩,你睇塊腩肉肥到咁係咪好驚呢…唔洗驚喎,
成塊啪入口,肉同脂肪混合左唔覺肥架,
油香四溢,大滿足是也 (笑)
 
豚王的相片 - 尖沙咀

個蛋都不容錯過,我決定下次去要叫2隻,
流心之餘個蛋黃仲有醬油香味,
一整粒蛋無論係蛋白 or 蛋黃都好香好滑,
一定要追加,超級好味 (爆)
 
豚王的相片 - 尖沙咀

食到連湯都幾乎飲哂,飽到上心口,
飲支日本直送玄米茶解下喝先,
其實你地有冇覺得每次食完拉麵都好口喝呢?
我就有啦 ( ̄∇ ̄)
       

        
♥ Thanks for reading    

 
   Find me for more update :

 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥




再踏圓方芒果樹

Mango Tree的相片 - 尖沙咀

好耐冇去過圓方啦!每次黎到諗食乜的話都會諗起mango tree,
因為佢算係泰菜中環境好又舒服之選。
今次又係2個人,食得唔多野,叫左個大蝦柚子沙律開開胃先,
大蝦夠大隻爽口,但感覺總是怪怪的,好似爽得有點假 (爆),
柚子沙律酸酸辣辣,有少少花生碎增加咬口,不過我嫌香料太多啦!
Mango Tree的相片 - 尖沙咀

每次黎到都好想飲smoothies,今次又係我至愛荔枝味,
朋友點左芒果味,點解我中意飲呢到既smoothies,
因為佢味道最真實,冇乜人工添加而且可以叫小甜喔!
 
Mango Tree的相片 - 尖沙咀

豬牛雞串燒肉質細嫩,唔會燒到乾哂,不過就唔夠香口啦!
燒到少少燶邊更加正,沙嗲醬可以再濃稠啲仲好,
因為我是「重口味」的 (笑)
 
Mango Tree的相片 - 尖沙咀

全晚最差係呢個黃咖哩雞,個汁太稀,稀到水一樣,
冇乜咖哩香味,雞肉亦係冇乜味,
好似普通用水煮過就掉落去咖哩汁到咁,唔好食 (泣)
 
Mango Tree的相片 - 尖沙咀

最後以泰式炒金邊粉作結,真係一定要食,次次都食,
最愛炒得唔油膩又幼嘅金邊粉,甜甜酸酸辣辣咁樣,
加埋花生碎令金邊粉更香,成碟都食得哂 (講笑啫 haha)

 
♥ Thanks for reading    

 
   Find me for more update :

 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥


 
 

無痛趕絕黑頭粉刺快捷又easy

相信不少姊妹都有黑頭粉刺煩惱,多數要定期去做 facial 清理,
但是針清會比較痛,而且唧得多毛孔會變粗大。
或是在家做果酸煥膚/深層清潔等等,但需要沒惰性 (笑)
總之用盡方法,務求杜絕在臉上積存太多壞東西啦。
 
 
適逢 b.liv 六歲生日,公關送來全新生日優惠套裝STUNNING SIX,
套裝內有皇牌產品off with those heads黑頭再見淨化啫喱(30ml),
 shrink and tighten毛孔幼細日用凝露(15ml),
immerse me 美肌深泉 蠶絲面膜 (5片),
仲有就係b.liv 限量版精美包包一個,好靚好實用喔 !
 
 
套裝內的產品均有註明expiry date,大家購買時要看清楚,
使用時就更放心啦。
 
 
好吧,首先出場的是b.liv皇牌產品「off with those heads」
採用純天然植物萃取精華包括茶樹精油、蘆薈萃取物及薄荷精油等,
聽說使用14日能溶解黑頭白頭,毛孔瞬間變得細緻。
質地是透明啫喱狀,有點茶樹油及薄荷味道,
塗上皮膚會有冰冰涼涼的感覺,個人認為夏天使用會超級爽 ,
重點是不用受皮肉之苦都能輕鬆無痛的清除壞份子
 
 
我個人每星期使用 2-3 次,主要針對鼻子、下巴,
這是我黑頭白頭尤其嚴重的位置,
使用一泵份量就足夠,很易推開,
大約一分鐘左右會完全被吸收 (不用沖洗)
使用2星期發現油脂分泌減少,黑頭、粉刺也會相應減少。
 
 
之後出場的是b.liv的 「immerse me sheet mask」
主要成分: 陽離子透明質酸,透明質酸,白茅精華,鈉 PCA
 以透明質酸水精華導入科技,改善肌膚深層水分流失問題,
讓肌膚含水量回升,告別乾旱。
 
 
 日本蠶絲面膜紙質感柔韌細膩,而且非常貼面,
面膜中的精華是帶點稠的水狀,有淡淡清香,
敷的時候沒有漏到周圍,每週使用2-3次,
20-30分鐘後即可取下面膜,再將精華按到被皮膚吸收,
再做後續保養程序,敷完之後會感到肌膚飲飽水,
膚色更均勻且晶瑩剔透,效果可維持2-3天。 
 
 
 
 最後出場是「shrink and tighten」,
它能有效提升拉緊鬆弛老化膚質,維持肌膚緊緻彈性,
改善毛孔粗大問題 ,令膚質更柔軟,光滑。
質地是透明液體狀,沒什麼味道,超級清爽易推,
絕不油膩,且吸收得很快。
 
 
 
 
 潔面後,用 2泵份量,塗抺於全面及頸部,
再加以按摩,使用1星期左右毛孔收細了一點點,
面上油光幾乎絕跡,對我來說控油效果很讚。
 
 
「產品由品牌提供試用並於全線sasa發售」 
 
 想了解更多b.liv產品資訊,可到:
 
 
 
 
♥ Thanks for reading    

 
   Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥


2016-02-15

「Light Me Up 全效面部療程」初體驗

 
 
 
 我這天到 Lightmac Medical 尖沙咀店搞什麼 ?
就是被它們的療程吸引了。
 
「Light Me Up 全效面部療程」 一個療程解決色斑、
細紋、暗瘡、毛孔及鬆弛 5 大肌膚問題
 
 
 到店後先做個人資料登記,再飲杯花茶扮文青看看書,
在等待顧問帶我去見醫生,在等待期間環顧四周環境,
聞著那極度討好的香薰,的確很令人放鬆。 

 
其實我決定去之前都有猶豫了好一會,
事關我對光學療程有點忌諱,因為我對紫外線有點敏感,
但顧問說先到店給註店醫生檢查及提供專業分析,
再決定做那個療程會比較好,
他們會應客人的年齡、皮膚問題、狀態及質 素、
生活及飲食習慣、美學要求等各方面分析。
好啦,新一年要突破自己,所以決定去了。 

 
 
見了醫生及接受了專業皮膚分析後,
醫生說我皮膚潛在的微絲血管比較多,
而且有積存多年的黑頭粉刺問題,
還有長期缺水,不過皮膚整體算健康,
亦可以做激光或彩光療程,
噢。。。天啊,真的嗎?天大的喜訊喔。 


之後治療師帶我進房間把妝卸掉,
卸妝過程絕不馬虎,認真地卸了兩次喔 (笑)。
全素顏可清楚看到左邊臉斑比較明顯,
還有膚色不均,暗啞及最討論的黑頭。 
 
最後治療師說會在療程的13項中,
揀選 2 種合適波長的光學或換膚療 程給我同時進行,
這兩項分別是「乳酸保濕換膚 –水溶性 」及
「脈衝光(IPL)全方位療程 」。

 
首先是「乳酸保濕換膚 –水溶性 」,
乳酸保濕換膚主要去除老化角質,刺激細胞更生,
令體內透明質酸增生,減少細紋和皺紋 ,
鞏固和修復受損的皮膚屏障功能,舒緩敏感,
同時提升肌膚滋潤度,收細毛孔。
 
 
先在皮膚測試一下有否過敏,沒有的話就直接全臉塗,
由於我的皮膚比較薄,所以只敷了8分鐘左右,
敷的時候有點刺刺的,這是正常反應嚕,
夠鐘就把全部抹乾深,治療師叫我摸摸,
OMG...真的好滑好嫩耶,就連鼻翼位置都滑溜無比,
全臉大掃除了一番,毛孔變得細緻了 (羞) 
 
 
 
接下來就是戲肉「脈衝光(IPL)全方位療程 」,
可均勻膚色及緊膚去皺,刺激膠原蛋白更生、
加快新陳代謝, 改善微血管擴張及去除色斑。
 
 
這部彩光機有多個filer選擇,因應不同療程而選擇,
甚至是眼周這麼幼嫩的皮膚都能照顧得到,
 內置的動力冷卻系統,同時會輸出cool down功能,
令治療時感覺沒那麼強大。 
 
 
首先當然是做盲俠啦,治療師好細心啊,
封了3層以免做療程時被光刺到眼睛,
再塗厚厚的啫喱,冰冰涼涼的。
 
之後就一下一下的進皮膚底層,
療程時絕無痛楚,就是每打一下有橡筋彈一下的感覺,
而且會feel到有一點點熱能,
我自己就感到蘋果肌位置反應會大一點嚕。
 
 
療程完成後絕無紅腫,沒有不適,
只是看到即是效果,白、滑、嫩,哈哈哈 ~
膚色均勻細緻,鼻翼位置明顯的微絲血管都收斂了,
真的非常驚訝這美妙的效果。 

 
完成後可以即時化妝,再去跟朋友吃晚飯喔,
上妝時粉底超貼的說 (偷笑) 
 
 
記住,療程後要多保養,特別是補濕及防曬,
最好每天都能用保濕精華及敷保濕mask,
防曬方面最好能用到SPF50 PA+++
LightMac 讓我帶一支保濕液回家試,
吸收非常快而且不油膩,讚。 
 
 
療程後一星期依然嫩滑,皮膚有變好了,
化妝亦比之前貼,沒有浮粉,
光澤感跑了出來,而且冒油亦減少了,
真的沒後悔當天下決定到LightMac一試。 

 
"療程及有關資料由LightMAC Medical Skincare Centre提供"
 

詳情請可瀏覽以下網址:

 
 
♥ Thanks for reading    


   Find me for more update :
 
♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥