2017-03-30

(自購) Hourglass Nº 28 Lip Treatment Oil + Lip Stylo (含試色圖)


死火啦 !好似好耐冇寫過 beauty 野,最近都係著重寫食果方面,
其實一路都有試唔同的護膚品 & 化妝品,
但太懶唔願影相,所以冇得分享 (泣)

好啦,要勤力返先得啦,早前買左HOURGLASS唇妝玩下,
入手左一支唇膏,一支LIP OIL,
BA 仲好好, 送我一支FACE PRIMER


首先講 HOURGLASS LIP STYLO #ACTIVIST ($300)
揀呢隻色係因為我比較少呢種色,
所以我想要支少少NUDE但有氣色ge唇膏。

 佢係一隻好柔和的玫瑰色,但絕對唔是鮮紅,係淡暗紅的,
望落有點似豆沙紅,我覺得幾特別吖。
含乳木果油 & 荷荷巴油,可滋潤保濕,搽左咀仔好柔軟。


另外就係 Nº 28 LIP TREATMENT OIL ($440)
BA話係限量的,有淡紅 & 透明兩色,我揀左淡紅,
蕴含薰衣草、甜橙 & 雪松等 14 種精油,可减少和淡化唇纹,
個頭係24K 鍍金抗菌,襟一下就可輕鬆拿捏適當份量。


講左咁耐睇下試色圖先,LIP STYLO # ACTIVIST 比我想像中淺色,
筆型扭扭頭使用方便,而且筆尖可以勾畫到唇線,
顯色度幾高,質地滑,都幾滋潤,有淡淡VANILA味,
搽幾個鐘都冇現唇紋 & 起白邊,
一般去到第3-4個鐘就甩甩地要補,持久度唔算理想。


至於LIP TREATMENT OIL就好GLOSSY 好潤,
因為有色ge關係,好多時我單搽呢個已經好睇好自然,
包裝高貴,唧一下就拿捏到適當份量,好方便,
直接用24K 鍍金頭搽出黎效果會厚D,
用手指相對地薄D,不過要確保手指乾淨嚕,
搽佢即時冇哂唇紋,好潤好光澤,不過唇邊會幾浮,
有陣精油香味都幾舒服啊。

我覺得2支都係食野飲水、講野多都會甩,
大約3-4個鐘最好補一補會好D。


最後就係BA送的 VEIL,佢係一支妝前打底,
BA話係佢地皇牌產品,我試左啦,搽左皮膚好滑,
即時撫平左毛孔細紋,上粉底會更貼薄,
比較適合中性至乾性肌膚,油性肌可能就唔多岩用,
如果油肌要用,就要再加多層控油東西會好D啦。


今次就分享到呢到,下次不如分享下「KIKO MILANO」產品吖,
定係「CLE DE PEAU」HIGHLIGHT ?

有興趣就STAY TUNE啦,BYE BYE ^^

「以上是自購產品,不是試用」


 Thanks for reading   

    Find me for more update :
 ♥ Blogspot  ♥ She Blog ♥ Beauty Exchange  ♥ 
 theZtyle ♥ Qooza Beauty ♥  U Beauty ♥ 
♥ Youtube Channel ♥ Instagram ♥
♥ Fan Page  ♥ Facebook ♥ 



2017-03-23

一次過滿足食pizza & 炸雞願望 @ Pizza Maru

間唔中就身痕想食炸雞,今次唔係第一次去Pizza Maru,
點解兩個月唔夠又再去? 因為覺得幾好味囉,
店內裝修簡約,有大電視播住k-pop陪住你食,
檯與檯之間唔算迫,但張櫈就好硬,坐得唔耐(爆)。
其次係店員好多時睇唔到客人,落單又好,
加單又好,都要等得比較耐。


炸尤魚圈,可能太餓啦,所以覺得好好味,
過粉漿太厚同埋炸得油左d,整體可接受,少d油更好。



呢個唔記得咩pizza,有我最愛嘅煙肉,
好似燒汁甜甜地都幾開胃,我地轉左蕃薯邊,正啊!
蕃薯味突出,仲有啲脆脆邊,下次再返兜啊!(笑)


芝心maru大哥,有雞肉、蘑菇、芝士、車厘茄等等,
餡料好豐富,pizza底比較薄 & 林,
轉左芝心邊但唔多覺好濃芝士味,
唔明點解叫芝心maru大哥,好似被fake左咁 (∩▽∩)


蜜糖牛油炸雞,粉唔厚且炸得比較乾爽,唔會油淋淋咁,
雞肉好嫩好滑好juicy,貪心的我略嫌牛油味唔夠,
濃牛油吖唔該(笑)


甜辣炸雞最受我地歡迎,甜甜地有點微辣,
雖然有汁但唔會浸到林哂咁樣,依然脆口,粉醬唔厚,
雞肉依然多汁好味,食2件都唔會漏,清左碟。


紫蘇秘製炸雞,食唔出咩特別紫蘇味,
食到咸咸地而且粉醬勁厚,雖然唔係炸到好多油,
但個粉漿厚到咁有點倒胃口,不過雞肉都仲keep到好juicy嘅,
呢碟唔太受歡迎,食剩了 XDD


食咁多肉,要減輕罪惡感,叫左蜜糖柚子花園,
香甜柚子汁略嫌甜左啲,如果加多少少鹽 & 芝士調味下更好,
$88份量比較細,2人前咁樣,仲有相片與實物不附,
明明相中冇咁多紫色菜,但黎到有咁多(我唔中意紫色菜xdd)


飲品選擇比較少,呢方面有待改善,不過飲啤酒都okay嘅,
今次食唔到年糕串串,希望下次有貨啦(笑)

 Thanks for reading   

    Find me for more update :
 ♥ Blogspot  ♥ She Blog ♥ Beauty Exchange  ♥ 
 theZtyle ♥ Qooza Beauty ♥  U Beauty ♥ 
♥ Youtube Channel ♥ Instagram ♥
♥ Fan Page  ♥ Facebook ♥ 



工廈活化後的Sport Bar @ The Stadium

觀塘其實有好多上樓cafe,之前去過幾間都okay,
但多數係進入店內okay,大廈外面就麻麻地,
始終都係工廈嘛。今次呢間一入堂感覺都幾好,
入到店第一感覺…嘩,咁大地方嘅,
大大塊玻璃被陽光照射下都幾warm喎,所以有食得點熱(笑)。
裝修以運動為主,空間感大,可容納好多客人,
睇波飲野係不錯之選。


我地set lunch食乜好,不如講左唔多掂嘅牛扒先啦!
賣相都幾ok喎,但真係不得了,
已經乸到冇哂牛肉應有嘅咬口同埋紋理 ,
好似食假嘅牛一樣,連牛嘅味道都食唔出(泣)


另外就有all day breakfast,一個大碟放得滿滿的,
都幾足料咁喎,睇見到滿足啦!隻大菇菇最好味,
好勁菇味焗到仲好juicy,個蛋炒得好滑,
如果係benedict egg仲正,
其他都係正常野食,唔差。


芝士通心麵,其實咪即係通粉 (爆),芝士味唔太濃厚,
夾雜左洋蔥蘑菇等增加口感,冇咁一pat野,
整體幾好,但多吃會漏,所以我食左少少就停手了。



 Thanks for reading   

    Find me for more update :
 ♥ Blogspot  ♥ She Blog ♥ Beauty Exchange  ♥ 
 theZtyle ♥ Qooza Beauty ♥  U Beauty ♥ 
♥ Youtube Channel ♥ Instagram ♥
♥ Fan Page  ♥ Facebook ♥ 

2017-03-07

有質素的手工火鍋 @ 聚手工火鍋

打邊爐真係冇分季節,我一年四季都中意,
不過冬天天氣凍就打得密少少咁解,
慶幸一樣野就係熱氣呀、燥呀我都頂得順(笑),
今次同堂妹就黎到聚手工火鍋。


店內格局比較暗,坐得都算舒服,又冇趕客嘅感覺,
最好當然係有卡位坐啦!不過2條女又食得幾多野吖,
正所謂眼濶肚窄,叫得多食唔哂太浪費又節墮啊!


首先選擇困難嘅我要揀湯底,平時唔多食魚,
但有唔腥嘅魚湯我一定捧場(係要唔腥嘅)。
堂妹話100%唔會腥,好~我信你,就叫呢個梭欏魚湯底,
super奶白色,睇落非常濃郁,一飲。。媽啊!
咁似阿嫲煲果啲嘅? 好好味,非常正,丁點腥都冇,
入口好滑好濃,好似仲有少少大地魚味道,加埋胡椒
,點會腥吖,超好味 (*๓´╰╯`๓)♡ 飲左2碗先開始邊爐。。哈哈


記得有一篇又係講邊爐,果碟牛真係輸哂,冇得比,
呢晚嘅雪花肥牛,係真真正正嘅雪花肥牛,
拿。。冇厄你,睇相就知油脂分佈成點,肥度正合我心意,
加上佢片到好薄,基本上放湯滾2秒就食得,
正正因為咁薄,所以係會不停食但唔覺飽同漏,
牛味濃,入口軟滑細膩,正到冇朋友。


肥牛做主打,但都要有其他野食吖,手打墨魚滑堅係彈牙,
入面嘅墨魚粒粒令魚滑好有咬口,松露餃反而唔覺得有咩特別,
松露味唔多覺,入面嘅肉都算柔軟多汁,可以一試,
如果下次再去我想試泡菜餃 & 海鮮福袋囉 (笑),
今次叫埋油麥菜已經完全打爆左我地個胃了,
下次多啲人去會仲開心。


甜品有西瓜,香蕉朱古力蛋糕,仲有朱古力添,
值得一提嘅係個朱古力香蕉蛋糕,真係好味喎,
濕潤嘅蛋糕佈滿香蕉 & 古力嘅味道,
唔太甜唔覺漏,真係想添多2件都唔誇張 (^▽^) 


 Thanks for reading   

    Find me for more update :
 ♥ Blogspot  ♥ She Blog ♥ Beauty Exchange  ♥ 
 theZtyle ♥ Qooza Beauty ♥  U Beauty ♥ 
♥ Youtube Channel ♥ Instagram ♥
♥ Fan Page  ♥ Facebook ♥