2016-08-25

美容塑身按摩一TAKE過 @ Spa Ayurveda

話說我都有一段好長時間沒做按摩、facial 等療程,
正好在身心疲累時收到邀請,
可以到Spa Ayurveda (銅鑼灣店)試做它們3個皇牌療程。


Spa Ayurveda提供獨特的人手療程配合獨家護膚品,
提高都市人的免疫力及改善身體的隱性病。

“Ayurveda”是印度傳來的梵文,意思是“生命的科學“,
代表了一門醫學,更代表了一種健康生活。


這天預約了12:00到店,預算3個療程共做2小時左右,
一到店就聞到淡淡香薰味,令人心情立刻放鬆起來。



店內擺設簡約精美,很有渡假時去做 SPA 的感覺嚕。
與治療師會面後,揀選合適的三個療程給我就馬上開始了,
不過做之前我還是先去一下洗手間,畢竟是2小時療程,
我不想做著睡著急著去尿尿耶 (笑)。


每位客人均有一個獨立房間,非常乾淨整潔,
令我放心躺下慢慢享受這 relax moment (笑)。


這天做三個療程包括:
「七輪穴療」$198/30分鐘
「L6塑型」$198/20分鐘
「淨化養生面晶石」$198/60分鐘

先脫光光包好毛巾治療師就來了。


首先是做「七輪穴療」,是古印度按摩法,
人體有七輪包括:頂輪、眉心輪、喉輪、心輪、太陽輪、臍輪及底輪。
透過按摩令各系列放鬆,初初按時有點少痛,特別是有勞損的部位,
不過按著按著就習慣了,全身繃緊的地方都放鬆了,
感覺就是打通了經脈,舒媛了緊張的壓力及情緒。


接下來是「L6塑型」包括負壓吸能力、射頻及遠紅外線,
用不同模式可達到消脂、通淋巴、改善循環及提昇收緊等功效。
我選擇的部位是粗壯的手臂啦,
做的時候感到機頭有暖流經過,且有吸啜住皮膚的情況,
於淋巴比較塞的地方感覺大一點 (e.g.腋下)
有少少痛但可接受的,做完皮膚會微微發熱的,很舒服。


最後做的是「淨化養生面晶石」,沒錯。。。這是一個facial無誤,
那兩塊會發熱的蛋型翡翠面晶石,配合獨特手法進行淋巴按摩,
將面部毒素及水份排走,舒緩疲勞及改善皮膚暗啞。


玉晶石除了照顧到我的面部,還會將熱力帶到頸及肩位置,
而晶石遇熱後所產生的負離子,可促進新陳代謝,
增強細胞活力及皮膚自愈能力呢。


用加熱了的晶石按完之後,治療師會由眉心輪開始按摩,
嘩。。。爽死我啦,好舒服啊,本身有頭痛都即時舒媛了,
之後一直按到肩頸的穴位,手勢實在太好了。


按完之後做一個保濕美肌面膜就大功告成,
不知不覺就做了2小時有多,感覺實在是太棒了,
無論是環境、用料、服務態度、手勢、功架都一級棒,
做完之後疲勞盡消,面色都變紅潤了。

當晚回家還做了一個浸浴,本身睡眠質素極差的我,
幸福地呼呼入睡直到第二天,找回了睡得飽的幸福感耶。


最後要謝謝「Spa Ayurveda 」的邀請,
讓我能體驗這一次舒適的身體及面部療程喔 !

由於反應熱烈,想做療程盡早安排預約,
可致電/whatsapp到 (852)98150520


想了解更多療程資料,可參考:

Spa Ayurveda 地址: 
銅鑼灣軒尼詩道513-517號維寶商業大廈13樓全層
TEL:(852)2834 0844

Spa Ayurveda專頁:
https://www.facebook.com/AyurvedaHK/?fref=ts



 Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥



冇驚喜泰菜 @ 泰國廚子

馬鞍山又叫美食沙漠,當然我會周圍搵下有咩好食啦!
好似迎海呢邊除左屋子我成日幫襯外,
都冇乜試過其他,今晚就試泰菜啦!



其實我覺得喺呢邊食飯都幾relax,可能人流唔多啦!
坐餐廳出面檯有好處,因為單邊sofa唔會好嘈,可以靜靜地傾下計。



泰式鳳爪都幾爽彈,如果酸多少少就更好啦!
唔夠惹味啊!



辣椒膏炒蜆,蜆肉都夠大粒,
但可能我重口味啦!覺得唔夠辣同咸啊!



泰式金邊粉好味,唔油炒得夠乾身,
金邊粉又夠幼,最好味係呢碟啦!



再整多碟豬手,嘩。。好多皮啊!見到都飽啦!個豬手皮太稔,
如果有多少少煙un口感更好,有啲人中意入口即溶,
但我唔係喔!味道方面又係偏淡口的,
唔係重口味的朋友可以黎試試。
 


 Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥
 

抵食台屋 @ 狸屋台屋

其實每次傷腦筋食咩時,我都好快閃出日本野,
應該係我比較中意日本菜掛。今次又係去太古行街,
行之前一定要食飽喎,時間尚早,唔想等位就黎到狸屋台屋。
入到去裝修係好家庭feel的,感覺幾舒服,不過唔夠冷氣。



叫左魚生飯,魚生算新鮮,而且種類算多,
平民價錢大大碗好抵食啊!



辣豚肉石鍋飯。。呢個好惹味,適中嘅麻辣度岩哂我,
豚肉唔係話好優質,但中等價錢食到咁嘅質素,
好唔錯㗎啦!不過食到尾有點油膩(笑)



什錦天婦羅就冇咁好啦!粉漿厚左啲啊!
仲有油左啲添,有待改善喔!



最後個燒鯖魚就冇咩特別,
對於唔愛好食魚嘅我係接受到果陣魚味的,
起碼我冇覺得佢腥,但就燒得乾左少少啦。
 


 Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥
 

只此一次 @ CIAK - All Day Italian

難得黎到太古城,諗住hea時間等人,
搵間餐廳食少少野,其實就未肚餓嘅,但冇地方去就坐下先啦!



呢間野我冇做任何功課下就入左去,
事後睇返啲食評先知咩料。
入到餐廳,店員係黑口黑面的,心知唔方有開心事發生啦!
但店內裝潢係靚嘅,坐得舒服嘅。



點餐時店員都係黑面的,服務態度不予置評啦!
之後放低個包,好軟棉棉嘅意式包,點醋食係讚嘅。



Baked Scamorza Cheese $140,
實係smoked mozzarella,會比車打或其他芝士淡味一點,
食落冇咁膩,配合豬肉腸 & 薯仔,口腔內除芝士外,
仲有其他層次出左黎,好味,不過份量係超細的 =皿=



Tagliolini Carbonara $190 (Regular),自家制麵口感煙un彈牙,
蛋黃醬+芝士嘅黏稠口感,好rich,
但唔係好食到蛋黃醬或芝士嘅味道,只覺得好杰好黏口,
呢個價錢 + 呢個質素,我覺得唔值喔!
 

 Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥
 

 

鮮味層層蒸 @ 九重鮮

好一段時間冇寫食評啦!
儲下儲下又一大堆相,要加把勁先得啦!
其實我係好喜歡食海鮮㗎,今次就報告下黃埔九重鮮啦!



今次2人晚餐想清清地蒸下海鮮,預先book定位免得等了又等,
去到好快可以入座,庭位都唔算好迫,但人多就嘈啦!
menu選擇唔算多,岩哂我呢啲有選擇困難症嘅病人 (笑)



我地揀左釜山塔,每位$328(2位起),
單睇menu以為唔會太飽,可以留肚食甜品,
所以冇再加其他野,點知。。。(睇埋落去先啦),
呢個餐可自選粥底,我地就揀左泡菜粥。



個粥底會隨住上面一層層蒸嘅海鮮汁滴落去增加鮮味,
食到尾每人一碗應該都好飽肚㗎啦。



喺等緊海鮮黎嘅途中就食少少開胃沙律先啦!
大部份係水果類,令口腔準備就緒吔海鮮。



好啦…上檯啦!
嗱。。講明先,我好似掛住食,有一層忘記左影相 (爆)



之前都有去食過類似嘅蒸海鮮,但今次一打開的確好驚喜,
因為擺盤擺得好有心機,除海鮮類外,
每層都拼一啲蔬菜,靚得嚟又健康啲,
呢層有蟶子、大蚌,我比較中意蟶子多啲。



帶子大隻厚肉,海蝦唔係蝦毛仔啊~
肉多又彈牙,好鮮甜喔!
旁邊有啲聖瓜、金菇,岩哂每餐都要食蔬菜嘅我。



呢2隻大花蛤不得了,好鮮仲有點海水味,讚讚。



食到尾呢層有鮑魚仔,粟米,蕃薯等等,
我已經頂唔順,其實女仔食真係好夠飽
(P.s.有一層應該係龍躉同埋某啲海鮮,我衰冇影相,
自己睇返menu有乜啦,不過龍躉係似鹽醃過,都幾咸下呀!)



最後就係我地嘅泡菜粥。。。媽呀~好飽啊!
如果唔係咁飽應該係覺好味嘅,
但我已經飽到食唔到咩味啦!
最後都放棄左冇去食甜品。
整體黎講九重鮮食材,價格都係成正比的,我覺得算抵食,
而且一個餐有多種海鮮俾你食,加上店員服務好,值得加分喔!
 


 Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥
 

不過不失午餐 @ 目利きの銀次

一向都好少去新世紀食飯,今日就約左朋友黎食個quick lunch,
既然有人攞位,食咩都冇所謂啦!咁就去左食日本野啦(笑)
入到餐廳,由於係食晏時段都好多人同埋有點嘈,
坐位分隔都算近,隔離講乜都聽到哂(爆)



刺身沙律上面嘅甜蝦好大隻喔!
什錦刺身加埋有沙律醋嘅菜,夠哂醒胃,
大熱天時食呢個都唔錯啊!



軟殼蟹卷就一般啦!
始終覺得唔係間間店都做得到好好味嘅軟殼蟹,
點呢個只想有啲飯到肚咋。



再叫個銀鱈魚西京燒,
甜甜嘅醬油加上我愛嘅銀鱈魚,嫩滑嘅口感我最喜歡。



朋友怕唔夠飽冇精神開工,再叫多個炒麵奄列,
嘩。。。個蛋面佈滿左好多醬,確係吸引到我,
炒麵味道就係一般大坂燒嘅甜甜味道,蛋皮亦煎得好薄,
係唔錯嘅,不過有點膩啦。



最後冇甜不歡嘅我叫左呢個香蕉pancake ???
好似係,唔記得左添,我想講好難食,
旁邊嘅焦糖可唔可以做好啲,燶哂苦嘅。。。搞到冇哂mood,
果球柚子雪糕甜到喊,冇下次囉(嬲)
 


 Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥