2015-03-31

5分鐘鑽白裸肌...慳水慳力慳功夫 (笑)

   

每次凌晨4點、5點、6點, 無論什麼時間出JOB,
都非常的急趕, 因為要爭取睡眠時間嘛,
相信大家都跟我一樣是懶懶豬啦 !

最近化妝包包增添一位成員 >>> 環采鑽白CC Cream
SK-II Auractivator CC Cream, 一支多功能的保養型底妝,
除美白外, 還有防曬、遮瑕、滋潤修護及持久妝感呢。

上次於發佈會上帶走了CC Cream及科研極效淨斑精華回家,
在現場測試用已很心動, 因為是懶人至愛「一支搞掂哂」嘛。

之前都試過不同品牌的CC Cream, 但總覺得顏色怪怪的,
塗抹後會變灰灰白白, 而且有點焗, 把毛孔封住了一樣。
不過SK-II家的質地很清爽水潤, 帶點mousse狀,
塗後馬上看到膚色均勻亮澤了, 還有淡淡清香,
加上一點點幼細的珠光, 更有提亮膚色之效。


CC Cream含皇牌成份PITERA、日本杏萃取物及
SK-II獨有的Soft Aura White 配方, 能激活兩大健康光亮皮膚關鍵。
感光體和阻黑體, 能在化妝同時在肌底進行美白。


 至於科研極效淨斑精華 Whitening Power Spots Specialist,
蘊含抑制黑色素產生的掌葉樹精萃及甘皙酸,
配合美白成份De-Melano P3C 及 Pitera, 雙管齊下,
由內到外全面抑制底層黑色素, 淡化色斑。

滴管設計更容易掌握份量, 每天早上潔面爽膚後,
塗上1-2滴管份量於全面及頸部按摩, 問題位置可多塗一層。
淨斑精華質地呈水狀, 很易推開及被皮膚吸收,
沒怎麼有香味, 塗後一星期發現肌膚透亮度有所提昇,
色斑亦有少少減淡跡象。


有沒有化妝的日子我都會乖乖塗上淨斑精華,
加上保養型美白底妝CC Cream,
整天美白工程都在運作中,

CC Cream 伸延度很高, 易推而且很貼服,
基本上如時間太趕, 我用手指印上都可以,
如有時間, 會用掃上, 這樣子會更透薄耶。

加上SPF50 ++++, 不用另外塗BASE、防曬霜,
大清早不用瓶瓶罐罐, 一支搞掂哂,
如有需要, 可於T ZONE位置薄薄掃一層碎粉,
減少T ZONE冒油的尷尬情況出現。

這天特地測試了一天, 早上11:00化妝, 出門跟朋友LUNCH,
中途沒補妝, 回家是4:30了, 整體妝感都感維持得住,
只是鼻位置有點冒油, 用紙巾印下就ok。


整體來說, 這支CC Cream適合中性、乾性肌膚使用,
我個人就很喜歡這樣細緻剔透的裸妝感 (笑)。



「產品由SK-II提供試用」


 ♥ Thanks for reading    


 Find me for more update :
♥ Blogspot  ♥   She Blog ♥ Beauty Exchange  ♥ theZtyle ♥
 Qooza Beauty ♥  Youtube Channel♥ 
♥ 
Fan Page  ♥ Facebook ♥ Instagram ♥
Email : chrisc.makeup@ymail.com 

2015-03-30

價格親民又便利的爆水神器 x Water 360 °



寒冷乾燥的冬天已過, 又是潮濕悶熱的日子到來了,
是時候轉換一下手邊的保養品, 要保濕又不黏膩的,
又能保持水油平衡才是皇道。

今次收到的是WATSONS最新推出 Water 360 ° 溫泉水透保濕系列,
手邊有3樣產品包括:
(1) 溫泉水透倍潤霜 (又稱"爆水神器) $119.9/ 45g
(2)  溫泉水透漾爽膚水 $109.9/ 200ml
(3)  溫泉水透眼部走珠精華露 $99.9/ 15ml


Water 360 ° 系列蘊含法國蒙多爾溫泉水, 擁有天然礦物質和微量元素,
具保濕能力之餘, 亦能防禦外界環境對肌膚的侵害。

平日潔面後, 最基本的三步曲一定是爽膚、面霜、眼霜,
溫泉水透漾爽膚水, 質地水潤清爽,
能平衡油脂同時收細毛孔, 令肌膚即時水潤。


最簡單的方法當然是倒於掌心再輕拍上面,
但我比較喜歡倒於化妝棉再輕抹全面,
可稍微去除多餘老化角質。


溫泉水透倍潤霜 (又稱"爆水神器), 這面霜質地輕盈,
打圈圈的塗於面上, 大約3-5秒就爆出很多水珠,
而且很快被皮膚吸收, 形成一層保護膜LOCK住水份,
保持肌膚水油平衡、水嫩有光澤。



溫泉水透眼部走珠精華露, 與地水潤不油膩, 其獨特三重走珠設計,
使按摩時更舒服, 增加血液循環, 減少眼睛疲勞,
同時減淡黑眼圈, 改善眼袋及眼紋等問題。




Water 360 ° 溫泉水透保濕系列, 價格十分親民,
而且於全線WATSONS都能找到, 最愛那淡淡清香,
快速補水之餘, 又能有效鎖水, 調節肌膚皮脂, 令水油得以平衡。

以上三款產品當中我最喜歡溫泉水透眼部走珠精華露,
每天早上眼浮腫時, 碌幾下可減少浮腫,
晚上用它按摩一會, 眼睛疲勞盡消 (笑)。

「產品由WATSONS提供試用」


 ♥ Thanks for reading    


 Find me for more update :
♥ Blogspot  ♥   She Blog ♥ Beauty Exchange  ♥ theZtyle ♥
 Qooza Beauty ♥  Youtube Channel♥ 
♥ 
Fan Page  ♥ Facebook ♥ Instagram ♥
Email : chrisc.makeup@ymail.com
 
 


2015-03-19

【2周成果】朝思暮想的「V」面快來吧 x PHILIPS VisaCare

 之前跟大家分享了PHILIPS VisaCare開箱文,
話咁快就試用了2星期啦, 是時候跟大家報告一下效果吧 !
有興趣看開箱文的朋友, 請到以下連結:
在這2星期中, 我每星期使用2次 VisaCare,
而選用的是「敏感肌膚型探頭」。
下面是步驟示範給大家作參考 (笑)

P.S. 用VisaCare做面部提拉時緊記要用雙手,
避免探頭吸住皮膚時大力拉扯到,
而且不建議在眼部周圍使用, 但太陽穴 (夫妻宮) 是OK的。
老實說, 剛用這部煥膚儀時被吸住皮膚有點怕怕,
因為怕自己力度控制不好而拉鬆皮膚,
而且那磨砂探頭用後皮膚有紅紅的,
有一次還起了「砂」, 可能我太博命了。(笑)
不過用到第3次已經開始熟習了手勢及力度,
亦沒有害怕那吸啜力拉鬆皮膚,
可能熟能生巧的關係, 整個煥膚過程很快就完成,
用後皮膚的確有點乾乾的, 這時我會馬上敷mask保濕,
而塗護膚品亦吸收得比較好, 看得出皮膚透亮感up。
 至於緊緻效果是有的, 但不是十分明顯,
畢竟我只用了2星期, 想要明顯V面效果,
就要勤力一點多用一段時間吧。
個人認為探頭吸啜皮膚時令血液循環多了,
所以去水腫功效不俗, 同時又可去掉老化角質,
令肌膚更有光澤。

P.S. 每週使用1-2, 而且每次都要加強補濕護理及防曬嚕,
記住千萬不要跟洗面機、PEELING & 果酸等一起使用。

零售點 :
各大百貨公司及電器店有售

「產品及有關資料由品牌提供」


 ♥ Thanks for reading    


 Find me for more update :
♥ Blogspot  ♥   She Blog ♥ Beauty Exchange  ♥ theZtyle ♥
 Qooza Beauty ♥  Youtube Channel♥ 
♥ 
Fan Page  ♥ Facebook ♥ Instagram ♥
Email : chrisc.makeup@ymail.com 
 

2015-03-16

【開箱文】私心分享 : 白鳳堂化妝掃11本入手

 早幾個月跟朋友去日本, 一心想去白鳳堂店朝拜一下,
打算入手它們家桃紅色系的化妝掃, 去到才知道沒得買,
店中大部份刷具都是殿堂黑色, 即時跌落谷底,
店員說想買桃色色這set, 必須於官網訂購,
那....我就黯然離開了~~~~ (泣)


不過我並沒有因此放棄, 回港後想辦法, 必須帶它們回來,
所以就拜託日本好友幫我訂, 然後先寄到她家,
待我契妹到步後就交收, 再把它們帶回來我身邊 (完美)。

一直糾結要買8本還是11本, 最後我還是選了11本,
而且還代好姊妹買了一套8本的 (笑)。

拆包裝紙那刻太興奮, 忘記拍照, 那我就形容一下吧。
透明包裝袋內裝有一個刷具套, 上面放了11本刷具,
全部用了防撞卜卜膠包好, 最外面有一條粉紅絲帶包得美美的。

每支掃都有透明袋包好, 我心急得馬上拆開,
再放進原裝化妝套內, 嘩...好美啊 ! size剛好耶~~~

當中最吸引我的一定是蜜粉刷及腮紅刷了,
其次是修容刷及局部使用刷啦。

首先跟大家分一下:
(1) 蜜粉刷 (2) 腮紅刷 (3) 修容刷

(4) 鼻影刷 (5) Highlight刷

(6) 大號眼影刷 (7) 中號眼影刷 (8) 小號眼影刷

(9) 眼線刷 (10) 眉刷 (11) 唇刷

全部共11支我都好喜歡, 化基本全妝的話應該只欠遮瑕刷吧 !
洗的時間只有蜜粉刷有點小脫色, 有點點味道的,
毛質不用我多說, 就是很軟很滑, 很細緻的說 (笑)。
官網: 
Chomotto x 白鳳堂刷具 【11本】 
希望大家喜歡這次私心分享吧, 下次見 ~~~


♥ Thanks for reading    


 Find me for more update :

♥ Blogspot  ♥   She Blog ♥ Beauty Exchange  ♥ theZtyle ♥
 Qooza Beauty ♥  Youtube Channel♥ 
♥ 
Fan Page  ♥ Facebook ♥ Instagram ♥

Email : chrisc.makeup@ymail.com 

2015-03-15

甜味偏重的雞煲 x 陸陸雞煲

陸陸雞煲火鍋的相片 - 旺角

今次又係3人行,3個女仔去食雞煲,揀左旺角陸陸雞煲,
本身唔係book白布街架,但另一旺角分店冇位,所以就轉去白布街囉。
入到店,一貫雞煲餐廳既大陣味,著錯衫...冷衫,吸味吸到暈。
 餐前小食「麻辣吞頭」,當然係鴨舌啦,不過好似bb,好細條,
辣味冇乜,不過麻味很香,光速食哂,因為好細碟 (笑)
陸陸雞煲火鍋的相片 - 旺角

3個女仔叫例牌(半隻)太少,所以我地決定叫一隻,
斷估食得哂既,雞煲一到,店員會埋黎幫忙搞下,炒香撈勻所有材料,
不過太唔小心啦,彈到朋友件褸都係油。我地呢個煲叫少辣,
我本身唔算食好辣,覺得辣味唔夠勁,但麻味好出,
食到條脷都麻痹左,下次食會試中辣。雞煲除左雞肉要夠嫩,
靈魂就係個醬汁啦,我覺得d汁都幾杰身,唔會太稀,
醬汁可以掛滿每件雞,但偏甜,如果冇咁甜會好d。呢隻雞好大隻呀,
仲好厚肉添,雞肉好嫩而帶彈性。
陸陸雞煲火鍋的相片 - 旺角

唔想浪費d汁,我地叫左薯粉,喺未落湯時加入,
等一陣就食得,每條薯粉都佈滿了醬汁,又夠煙un,好味,正。
陸陸雞煲火鍋的相片 - 旺角

呢個好似叫蜂巢豆腐,我自己麻麻地中意食豆腐,
但食左一件,豆腐入面有細細的氣孔,吸收了醬汁湯後味道依然係啖,
但豆味好出,喜歡豆腐既朋友應該中意。
陸陸雞煲火鍋的相片 - 旺角

墨魚滑,見到係黑白雙殺啦,一邊係普通墨魚滑,
另一邊係加左墨汁,質感算爽彈,墨魚味帶鮮,
我食野睇賣相,黑色果邊我唔想食囉 (爆)。
陸陸雞煲火鍋的相片 - 旺角

食雞煲我最中意多洋蔥,所以叫左紫洋蔥+雞脾菇雙併,
煮到d洋蔥林哂入哂味,好甜啊!雞脾菇就普通雞脾菇囉,
冇乜特別,如果想d食材係吸到湯汁,雞脾菇就唔得啦!
陸陸雞煲火鍋的相片 - 旺角

墨魚滑釀油炸鬼,見佢幾特別所以叫左,我就唔多欣賞啦,
煮到d墨魚熟,個油炸鬼又太林,變糊了,下次唔會再叫囉。
陸陸雞煲火鍋的相片 - 旺角

炸芋頭每次打邊爐同雞煲都一定要有,因為我係勁中意食芋頭架,
煮到林,粉粉地好好味啊!
陸陸雞煲火鍋的相片 - 旺角

炸響鈴就把鬼啦!太厚啦,睇佢應該唔係即炸,入面太厚,
放湯耐d先得,普通浸幾下攞上黎食就奶野,
入面凍既,硬硬地添,no good -_-#
       
♥ Thanks for reading    


 Find me for more update :
♥ Blogspot  ♥   She Blog ♥ Beauty Exchange  ♥ theZtyle ♥
 Qooza Beauty ♥  Youtube Channel♥ 
♥ 
Fan Page  ♥ Facebook ♥ Instagram ♥

Email : chrisc.makeup@ymail.com 






食得好趕的2小時 x 大瀛喜日式放題

大瀛喜日本料理的相片 - 旺角

好耐冇食日式放題啦!今次朋友介紹位於旺角既大瀛喜,
我地進場時間係7:00,限時2個鐘,即係食到9:00,
每位冇記錯應該係$218 + 10%,
一入到店,好多人好嘈,枱與枱之間好密,冇乜空間,
4人卡位亦坐得好迫,感覺其實好唔舒服。
大瀛喜日本料理的相片 - 旺角

朋友計過數,如果我地4個人食,叫到6 round咁大既魚生就歸本,
不過最後我地只能叫4 round (大爆)。講返d魚生先,
基本既三文魚,吞拿魚,甜蝦,象拔蚌,北寄貝,帶子,
希靈魚都有,而且都幾新鮮添。仲有mini手卷都唔錯,
不過冇影相,我地叫左幾次海膽 & 軟殼蟹手卷,
當中梗系海膽比較好味啦 (笑)
大瀛喜日本料理的相片 - 旺角

前菜如蟹子沙律,胡麻沙律都好味,其他就一般啦真係。
仲有飲品係自助形式出去雪櫃拎,有可樂,烏龍茶,
綠茶,芒果汁等等,選擇都算多。
大瀛喜日本料理的相片 - 旺角

熟食方面,燒雞軟骨,燒菠蘿都係必食,
特別係燒菠蘿,燒到好甜好多汁,甜中帶dd酸更開胃啊!
大瀛喜日本料理的相片 - 旺角

另外必食既係炸雞翼,熱辣辣,個皮脆到呢,
肉汁多雞肉又嫩,正啊!
大瀛喜日本料理的相片 - 旺角

我好蠢啊,一路都冇睇落單紙,食到最尾先睇,
俾我發現有黃金蝦囉,拿拿林叫啦,真係不得了,咸蛋黃既油香,
令我想再食多幾隻,雖然d蝦唔係大隻,又唔係特別新鮮,
但志在食d咸蛋黃咋 hahaha
大瀛喜日本料理的相片 - 旺角

講真,放題食2個鐘真係唔夠,時間過得非常快,
食左唔算多野原來已經1.5小時啦,
職員埋黎叫我地last order...omg...好似冇點食野又話last order啦!
叫多少少魚生,熟食,甜品就收工。
甜品有椰汁糕,奶凍,牛奶公司雪糕。整體覺得大瀛喜係唔錯的,
起碼食物新鮮,上枱快,不過可以食2.5小時就更好啦!
今次真係食得太趕了。。。食得急好辛苦喔!
大瀛喜日本料理的相片 - 旺角

♥ Thanks for reading    


 Find me for more update :
♥ Blogspot  ♥   She Blog ♥ Beauty Exchange  ♥ theZtyle ♥
 Qooza Beauty ♥  Youtube Channel♥ 
♥ 
Fan Page  ♥ Facebook ♥ Instagram ♥

Email : chrisc.makeup@ymail.com