趁阿囡仲放緊聖誕假，兩個吃貨今日一定要出動，
首先去左食歷史悠久既車仔麵 （爆），下篇會寫。
之後就搭叮叮落cwb行街兼食雪糕。
去邊間食，就係想去好耐既 i Creamria囉，
平時店仔細細，多人又冇位坐，所以我就選擇唔食住。
今日係weekday office hour，終於唔洗等，衝呀……
店內裝修都幾鬼骨子，如果有多啲位，
張櫈坐得舒服啲更好啦！
腳短朋友要小心坐左上去會吊腳（笑）。
因為係聖誕店內裝飾都好有聖誕氣氛，
仲播好多迪迪尼既經典歌添 （爆）。
好，入正題，我地2個每人揀一杯雪糕，
睇下邊個果杯好食啲就win，但冇獎品 （爆），
我呢杯柚子抹茶十勝紅豆芭菲 （$56），
柚子控見到柚子一定抗拒唔到，
嗱……我唔係抹茶控，不過試下無妨。
賣相非常靚，topping有十勝紅豆大大粒又林又甜，
仲有我愛既mochi，嘩……黃色果粒係柚子味架，正啊！
至於雪糕質感未算好滑帶點小冰碎，牛奶味未算濃厚，
但抹茶味勁濃且帶苦澀，食到中間有脆米、抹茶布丁，
最底係柚子醬，對於怕苦澀既我簡直係開心到笑出黎，
柚子中和左抹茶既苦澀，一層一層不同既口感非常豐富，
我推介呢款 （讚）
阿女果杯係抹茶泡芙芭菲，賣相一樣very good，
濃濃既抹茶比頭先果杯來得更苦澀，因為成杯都係抹茶雪糕，
冇溝到牛奶味，加上倒左一啲抹茶醬更加濃味，
旁邊既抹茶泡芙未算突出 ，中間有抹茶cream，
外面係抹茶朱古力，不過朱古力唔溶喺口嘅 -_-#
食左一陣2杯都開始溶，都算溶得幾快。
整體黎講抹茶控大多會中意，
至於唔係抹茶控既我就未被吸引到啦！
總結，我win ＼(^o^)／
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
Email : chrisc.makeup@ymail.com
沒有留言:
發佈留言