聖誕真係食唔停，足足一星期冇節制咁食，冇運動，
呢次真係大獲鳥，肥左勁多，點算 （泣）。
但係作為吃貨又點會怕呢啲小事吖 （爆）。
今晚一行三人黎到cwb搵食，
一向鍾情韓燒既我又點會唔黎拜會下朴將軍吖（笑）。
一出見到勁韓feel既新派格局，播住kpop，
店員亦非常親切又有禮貌，入座後主動介紹餐單，
又介紹點樣食法最好，餐牌上種類算多，
有選擇困難症既我就將任務交俾朋友啦！
一班朋友飯聚氣氛好正，食住燒肉，飲住米酒暢談一下，
令平日忙碌既工作生活得到一點釋放，好relax喔！
我地order一個 Black Pork Sioyakki set 原味 ($288 /1-2人份量），
中意食辣既朋友可以揀辣味，不過最近我胃唔太好，
所以揀左原味。個set黎之前有大大碗沙律俾我地開胃下，
旁邊透明色果碗我以係清水，原來係牛腩蘿蔔凍湯，
凍湯內有洋蔥味＆酸酸地都幾醒胃，唔少得梗係有kimchi啦！
除左個set，我地仲叫左秘醬特級牛肋排肉 （$158/150g)，
不得了，牛肋排肉好香好軟，肉同脂肪比例好均勻，
加上個秘醬令我味蕾復活了。
呢到個鉄板唔係圓形，係長方形的，仲有2個坑位，
個盤斜斜咁放喺爐上，目的係將肉既油脂經過條坑流落旁邊，
減少肉既肥膩感，100分好既設計，好細心啊。
除左醬牛之外，仲有黑豚五花腩 （$138/150g），
淨睇賣相已經知道太犯規啦，點解靚到咁架，
一層肥一層瘦均勻分佈, 脂肪好快溶化, 口感一流。
店員會幫我地燒，燒到2邊金黃色有少少燶邊最好食，
用生菜連埋洋蔥一齊食冇咁膩冇咁熱氣，可以多食幾件（笑）。
食哂醬牛&五花腩後，換換鉄板就睇表演啦！
店員放上一堆嫩嫩的黑豚肉片，興到d肉出油，
再倒入大蔥、kimchi等配料炒啊炒……
炒到咁上下分開2堆，到底搞咩呢？
哦……原來分開一堆黎炒飯，首先落左生菜、紫菜等一齊炒，
再加白飯炒，炒到差不多再喺中間倒入芝士，
oppa最後將飯堆成一個心心，好sweet啊！
等大約2-3分鐘，中間既芝士溶左就食得啦！
嘩……我最期待既畫面出現啦！
對於芝士控黎講真係忍唔住，不顧儀態大啖大啖食，
芝士再多d我都接受到，雖然芝士會比較膩，
但有kimchi中和一下，大大碗飯鯨吞冇難度 （爆）。
今晚食得好滿足，3人都捧住個大肚腩走，
檯面既食物全被掃清，值得推介，
朴將軍我會再黎搵你 （笑）。
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
♥ theZtyle ♥♥ Qooza Beauty ♥ Youtube Channel♥
Email : chrisc.makeup@ymail.com
沒有留言:
發佈留言