今日係端午節，放假梗系出去行下食下野啦！
之前有朋友約我去屋子生活，但遲遲未能約到，
所以我就同大少2人世界啦！
交通我覺得方便既，喺烏溪沙站一出就見到，
商場樓底好高，行得好休閒舒適喔！
我地等左15分鐘左右就可入座，店內有落地大玻璃，
如果唔係假日可坐窗邊嘆下茶，hea到暈啊！
不過假期多人就迫啦！
枱同枱之間都好近，私隱度就冇乜囉！
餐牌有點舊同污漬，建議換一換新的客人睇得安心d，
我手指都怕掂到個餐牌 (>﹏<)
我叫左個冷泡荔枝玫瑰紅茶，玫瑰味好出，
唔會俾荔枝搶左味，而且甜度屬少甜，岩哂我，
冷泡荔枝出奇地多汁，好似食緊新鮮荔枝咁啊！
大少叫左芒果豆奶冰沙，係季節限定，
冰沙好幼細綿滑，芒果味唔假，
配埋豆奶好似飲緊芒果奶咁樣，
唔會太甜，都幾好味吖。
仲叫左溫泉蛋喬麥麵，呢d咁熱既天氣，
食冷喬麥麵增加胃口，不過佢呢個做得普普通通，
冇乜特別，但就要$85一碟啦！
伯爵茶窩夫，我真係超中意呢個雪糕，
伯爵茶味好濃，而質地界乎雪糕&雪芭之間，
下面圓碌碌既窩夫，外型直頭係一個冬甩，
口感煙煙unun, 外脆內軟，雖然牛油味唔多，
但蛋同麵粉香味濃厚，在口中留有蛋香，
個人推介呢個窩夫喔！
♥ Thanks for reading ♥
Find me for more update :
沒有留言:
發佈留言