呢晚有朋友生日，於是諗住book定位啦！
點知book既時段係6:30 or 8:30，咁我局住book 8:30啦！
心諗唔係好食到咁 full 吖嘛 (爆)。
點知去到係冇。乜。人。，我即時打個突...
冇乜人仲乜分2個時段啊！Any肥，坐卡位ok既，
不過望望佢個裝修，其實太簡陋，我覺得可以再好少少既。
雖然裝修簡陋左d，但食物質素唔錯，
首先係呢個芒果鮮蝦塔野菜沙律，
蝦肉切到細細粒同芒果蓉混合做成既塔，
蝦肉夠凍又彈牙，旁邊既野菜淋左芒果汁，
酸酸甜甜咁好開胃。
巴馬火腿菠菜扒海鱸魚配黑松露汁，
火腿既咸香配合鱸魚既鮮味，真的好夾，
不過略嫌鱸魚皮燒得唔夠香，至於黑松露汁有點唔配，
點左個汁就掩蓋哂魚同火腿既味道，
所以我係冇點汁食既 (笑)
係喎，唔記得呢支手工啤酒添，
酒精濃度4.4%，係芒果同青檸結合，
易入口都幾得意既味道。
蟹肉露筍忌廉天使麵，umm...呢合麻麻地，
首先係天使麵質已經煮到太林 overcooked左，
冇乜蟹肉，忌廉又唔夠rich，
所以最後呢碟食唔哂，下次唔會再叫。
最後叫個cream brulee試試，
面層焦糖燒得好香，不過我刮走唔食太多，
燉蛋算係滑，不過冇乜蛋香，
而且應該冇落雲尼拿籽，我覺得只係一般。
點解我話可以做私竇 ?
因為人少唔嘈，想靜靜地坐下傾下計，
又有啤酒飲，而且食物都ok，算係唔錯既地方喔！
♥ Thanks for reading ♥
Find me for more update :
沒有留言:
發佈留言