好耐冇打blog紀錄低工作啦,
今次主要記低返新娘勁中意既妝同髮型。
其實影pre wedding最好唔好揀炎炎夏日,
因為個妝點都會溶, 冇可能唔溶既,
要密密補妝之餘, 一對新人及攝影師都體力透支。
搵岩化妝師、攝影團隊、景點, 仲要諗埋季節,
well prepare下出外影會舒服好多架。
更多相片分享於 Fan Page <<< 請按 !
另外, 之前喺保良局開完化妝班後,
就加開左土瓜灣社區中心化妝班,
將自己所長回饋社會, 好開心見到同學仔由完全唔識,
到最尾一堂可自己完成一個日妝, 感覺好滿足喔。
同學仔上堂好認真架, 睇得出佢地好俾心機學,
想扮靚靚就要加多兩錢肉緊練習多d啦。
最尾一堂大家玩化妝比賽玩得好鬼開心,
勝出既同學有小禮物一份, 小小心意喔。
大合照, 每次睇返都好開心, 希望將來再有機會幫社區出一分力吧。
今次紀錄就到此啦, 下次唔知幾時先再打 (大爆)。
♥ Thanks for reading ♥
Find me for more update :
Email : chrisc.makeup@ymail.com
沒有留言:
發佈留言