2013-06-06

(食) 稯、地雷雪條 & 零食介紹

「未食5月稯, 寒衣不入籠」, 不過最近天氣熱到爆炸,
每日出街好似去左人間地獄一樣啊, 唔知大家有冇同感呢?
早前有個靚女朋友帶我去試食美心稯, 
其實每年端午節我都會買傳統既稯食。
 
 
而家D稯出得太多花樣了, 大家選擇既種類多左好多,
不過, 我都係中意食傳統既, 有咸蛋黃, 肥肉肉嗰種就夠了,
反而有太多餡我就冇咁喜愛, 我要食既係...兒時味道喔。
不過, 有時試下新野都唔錯既, 要與時並進吖嘛。
 
 
好啦, 第一款試既係嘉興冬菇火腿鮮肉稯, 佢既糯米有用醬油泡浸過,
所以食落會濃味, 同埋咸左D, 如果冇咁咸會好D,
中意重口味既朋友可能會喜歡。
 
 
第二款要試既係客家土魷稯, 嘩, 有我中意既粟子啊, 雙眼發光啦。
仲有土魷, 乾蔥, 花生等等, 呢隻我覺得好味啊, 冇第一款咁咸,
而且多款材料配合得好夾, 我中意...HEHE
 
 
第三款係秘製牛筋稯, 燸米用XO醬拌炒入味, 牛筋好林, 本身話有微辣,
但我食唔出有辣味, 呢個稯仲有白果添, 不過我就唔係咁識欣賞啦。
 
 
第四款係原隻鮑魚瑤柱稯, 真係有原隻鮑魚喺面架, 而且見到有瑤柱絲,
口感層次比傳統既稯唔同, 好似特別矜貴咁。

** 其實仲有第5款, 係甜稯黎架, 桂花豆沙稯, 不過我影相失左手, 好濛啊,
呢個甜稯我都幾欣賞, 淡淡既桂花味唔會搶左豆沙既味道,
而且唔會好甜, 今年甜稯我可能會買呢款桂花豆沙稯。
 
 
試完稯, 我同朋友仔去HEA返陣, 吹下水,
anges b 既熱朱古力好似冇之前咁好味,
不過咁...佢勝在可以坐得耐,
是但啦...冇咁好味都冇所謂啦 xddd
 
 
係啊, 之前我同兩個朋友仔走左去打邊邊,
睇到個豬骨煲有幾大嗎? 勁啊呢...係大角咀力奇邊爐啊 !
雖然地點唔就腳, 又坐得唔係好舒服,
不過去感受下嘈吵同粗口既氣氛都ok既 xddd
講真, 佢既野都係普普通通啦,
上次個墨魚滑我懷疑係假架, 冇味又唔彈牙囉。
 
 
之前一田大減價, 我地買左鹿兒島和牛肉眼扒,
本身係HKD179/ 100g, 而家只係HKD99/ 100g,
我地買左三塊, 由大少親自主理,
食到lam lam利啊, 入口即溶既感覺正到吖,
好好好好味囉 (笑)。
 
 
另外想講呢款韓式雪條, 柚子味喎, 我梗係買黎試下啦,
點知, 踩左地雷, 好鬼甜啊大佬, 如果佢冇咁甜就好好多啦,
真係甜到爛牙囉, 所以no next time ><
 
 

再黎759之選, 之前試過一包後, 再去入多2包, 櫻蝦味薯片,
似係蝦片味薯片咁囉, 咸香帶蝦味, 阿女仲食得出有wasabi,
我仲同佢講點會有, 點知一check之下,
原來味覺超勁既阿女win左囉, 真係有wasabi powder啊 xdddd
 
 
Thanks for reading

Connect with me for more update :


Blogspot   Youtube Channel   
Fan Page   Facebook

 
 
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

沒有留言:

發佈留言