2013-06-28

(影音) Beauty Haul Jun 2013 (About NYX/ Coastal Scents/ Palladio)

 
講過要拍片分享喺美國訂返黎既化妝品, 今次會有D咩呢?
哈哈...其實香港都買得到既NYX同COASTAL SCENTS。
 
YOUTUBE CHANNEL : http://youtu.be/uC7payxg1W4
 
 
 
因為香港NYX成日好多野都話冇貨, 而且又貴過上oversea網買,
所以我就索性上網買啦, 當然買少少野就唔好上oversea網買啦,
運費都唔平架, 所以自己要計好數先買喔。
 
 
其實幾年前都有買過NYX既眼影盤、唇膏、唇彩架啦,
不過老老實實, 又唔係好好用,
只不過係多選擇, 夠平, 滿足下想買野既慾望咁啫。
 
 
今次買左NYX LIPSTICK, LIPCREAM, JUMBO LIP PENCIL,
仲有JUMBO EYE PENCIL, EYELINER & LIQUID EYELINER,
其實仲有PIGMENT, 不過唔記得講, 冇拍到XDDDD
 
 
仲有就係好可愛既TRAVEL BRUSH SET, 有埋個套,
FOR ME, 一SET夠哂啦, 又唔會話化妝化到好"行",
基本幾支掃夠我用, 而且唔阻地方, 只係USD10咋, 抵到喊XDDD
 
 

另外就有岩哂面油多既朋友用既RICE POWDER, 好用到不得了,
不過個包裝就麻麻地囉, 個蓋成口鬆出黎, 帶唔到出街補妝,
要另外用盒仔入住先可以出街啊, 不過控油定妝VERY GOOD,
所以就算佢包裝唔好, 我都會回購啊。(笑)
 
Thanks for reading

Connect with me for more update :

Blogspot   Youtube Channel   
Fan Page   Facebook

 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

 
 

2013-06-27

凱悅軒 @ K11 Hyatt


又一篇陳年外食紀錄, 我發覺自己這兩年好多時外食有影相,
諗住會打文紀錄一下, 等之後我又想去時可以搵返少少記憶嘛。
點知, 我懶...好多時影左既相就咁DELETE哂, 有SAVE的居然係呢一篇。

記得呢一餐係我好姊妹請食飯...係啊, 同我慶祝生日, 即係2月既事,
哈哈, 而家都幾多月啦, 擺左咁耐先打, 好多野都唔記得哂啦 (爆)
 
小食叫左兩款, 第一款係椒鹽脆豆腐, 嘩, 真係估唔到咁大碟囉,
小食黎咋喎, 不過人多既話見到咁大碟就會好開心,
而我地2個人見到就有D擔心XDDDD
豆腐炸得唔油膩, 出面夠脆, 入面又夠滑, 不過唔夠咸, 咸多DD就岩啦。
 
 
第2款小食係話梅青瓜, 我之前未食過話梅味青瓜,
餐前涼菜酸酸的好開胃,
青瓜冇苦澀味, 夠爽甜, 唔錯啊。
 
 
另外, 好姊妹BOOK位時ORDER埋呢個燉木瓜湯, 原隻木瓜上, 
哈哈, 佢知道我要補一補, 木瓜湯好清甜, 我就係中意食得到原材料既味道,
我飲起上黎又唔覺有味精, 好多時出面話D湯冇味精, 其實係飲得出架囉。
 
 
由於係2個女生, 食量唔夠驚人, 我地叫左兩個餸, 露筍炒牛牛,
其實我係勁中意食露筍架, 呢一味岩我, 牛牛我都係大愛,
露筍正, 不過D牛牛好似冇咩牛味囉。
 
 
另一味係XO醬炒響螺片, XO醬岩我重口味啊,
 響螺片冇話炒到似橡筋, 火喉岩岩好, 如果XO醬味多DD就好啦,
 但都好味既, 細細碟我地食得哂啊 !
 
 
女生有2個胃, 甜品胃隨時READY, 我愛焗蓮蓉布甸,
UMM...一入口就...正啊。好味, 入面D蓮蓉好有蓮蓉味 (大爆),
唔會太甜, 我個人覺甜度岩岩好, 讚啊。
 
 
跟住就係桂花糕, 岩哂貴婦食啊XDDD !!!
其實平日我好少叫D咁清既糕點做甜品,
不過呢個桂花糕我又唔抗拒喎, 好清新,
帶左我去桂花園, HAHA, 唔錯唔錯。
 
 
Thanks for reading

Connect with me for more update :
 

Blogspot   Youtube Channel  
Fan Page   Facebook


承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com



2013-06-26

之前沒試過...台灣來的AKUMA眼線筆

之前跟好友約會, 她帶給我幾支由台灣來的眼線筆試試看,
這個牌子我之前沒聽過、沒用過, 今次有幸可一試,
可以為我的客人找找更好用的妝物嘛。 (笑)
 
 
當時我跟朋友一起, 馬上拿出來畫上手背, 待幾分鐘後用手指大力摔,
 都不脫色, 好利害。
回家後, 再進一步Test一下, 依舊是畫上手背, 再用手指摔,
大力摔後你會見到有輕微脫了一點,
真的是出力的摔就看到這樣子。
 
 
之後再用水沖, 沖了2分鐘, 仍然是不脫色的說。
 
 
再用紙巾印乾...來...大力摔了7-8回, 看到嘛, 有脫色啦。
其實這款眼線筆真的好出色, 正常來用應該是不易暈開/ 溶掉的,
如果用我以上方法去test, 相信好多眼線筆都會有同一情況。
 
 
朋友給我兩款不同質地的, 其中一款是膠蓋, 可畫上眼皮後推開作眼影使用,
因為這款質地是比較軟 & creamy, 所以畫的時候不要太用力,
否則, 就是下面看到的情景...斷開了 !!!
 
 
最後, 我用眼唇專用卸妝水把眼線卸掉, 要先用化妝棉敷在已畫眼線的手背上,
待大約1分鐘, 輕輕抹掉就可以了。
 
 
整體來說這款眼線筆都合格了,想買的朋友可到yahoo拍賣找找看喔!
 
 
Thanks for reading
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 
chrisc.makeup@ymail.com

 Connect with me for more update :

 
  Youtube Channel    Facebook    Yahoo Blog    Weibo

  Email : chrisc.makeup@ymail.com

2013-06-25

孕媽媽化妝分享

 
睇靚相 ~~~ 更多美美照片可到我FACEBOOK專頁看看 >>> Facebook 
 
而家好多孕媽媽喺佗B既時候去影樓影返一輯相留念,
有D mama仲唔止影一輯咁少添 (笑)

如果早10幾年前興影孕媽媽相既話,
我估我都會影一輯玩下, 不過當年唔興囉。
 
 
其實孕媽媽就同新娘子一樣, 影相時都一定想化個靚妝,
將好面色盡量顯現出黎, 不過當然唔需要好似新娘咁濃妝啦。
 
 
只要俾人簡潔、有氣質、好氣色就OK啦, 我自己覺得造型生活化一點就好。
唔好太誇張、濃妝打扮都唔會好睇囉。
 
 
好開心幫幾個孕媽媽化妝後, 佢地攞左相都會SEND返幾張俾我留念,
俾我做JOB REF. 多謝呢幾位咁好既客人啊 !!!
 
 
大肚既女人係最靚既, 好多人都係咁講, 不過事實上, 我大肚果時係好醜樣,
又肥又腫又大舊, 而家睇返當年既相, 不堪入目囉。
相反現今既mama就更識得保養, 影相留住最美既一刻都好應該啊。 
 
 
 
 
如果孕媽媽們想影一輯, 就好好上網search一下,
睇下邊間studio既風格岩自己。
可惜我唔會再生吖, 如果唔係都會影黎玩下 xddd
 
 
Thanks for reading

Connect with me for more update :


Blogspot   Youtube Channel   

Fan Page   Facebook
 

 

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

2013-06-24

太平山街的休閒Cafe @ Homei

平日冇接化妝工作, 會hea喺屋企打打文, 看看書,
有時都會約朋友出去high下tea, 傾下計relax一下,
今次去到平日勁少去既太平山街, 本身諗住試一間cake shop既,
點知冇開, 退而求其次就去左Homei Cafe啦。
 
 
一入到去覺得店仔細細, 但佈置得好童話,
帶我進入少女時代 (大爆), 牆上既畫相信係人手畫,
真係好靚, 入到cafe覺得好正。
 
 
店入面好似得兩個人, 不過足以招呼所有客人了,
以我所見, Homei Cafe全場好似大約12-15個位。
 
 
小小cafe有咁樣既擺設, design得好用心, 有好warm既home feel,
小情侶黎呢到談心,  會唔會好浪漫咁呢 ?
 
 
menu上既飲品價錢親民, 大約HK$20幾 to HK$40幾不等。
 
 
我同朋友點左Pineapple Soda & Peach Soda,
為炎炎夏日降一降溫先。
 
 
Homei Cafe Openrice連結:
 
 
 
 
 
 
Thanks for reading

Connect with me for more update :
 

Blogspot   Youtube Channel   
Fan Page   Facebook

 
 
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

2013-06-21

♥ 晚妝造型分享 + 最近小感想 ♥

 睇靚相 ~~~ 更多美美照片可到我FACEBOOK專頁看看 >>> Facebook 
 
較早前幫女神化妝, 順便弄一下晚妝造型,
詞窮的我不懂用美麗字句去打這篇紀錄,
只想說一下最近的感受罷了。
 
 
這陣子跟老師談及了新娘化妝有潮流倒退的情況,
現在的人喜歡「大大舊」誇張的髮型, 但是否人人適合呢?
 
 
可能這是香港的大催勢吧,  but that's not my cup of tea。
 
 
然而, 每個人都有自己的氣質, 臉型都有不一,
就算找到了喜歡的髮型, 亦不是一定適合自己,
夾硬來只會弄巧反拙吧。

 
我的大前題是新娘形像要有氣質兼耐看, 過多10年8載再拿婚照細看,
都是一樣優雅。10多年前結婚的我, 現在絕對身同感受,
根本沒自信、沒勇氣拿出婚照來跟朋友分享, 很可悲。
 
 
我亦相信總有品味不同的人, 會好好選擇自己喜歡及信任的造型師,
造型師都有自己的路線, 客人是因應自己喜好而去挑選心頭好的。
 
 
有感而發, 沒有惡意的, 多謝一直支持 & 欣賞過我的朋友們, 多謝你地。
 
 
 
 
Thanks for reading

Connect with me for more update :


Blogspot   Youtube Channel   

Fan Page   Facebook
 

 

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com
 
 
 
 
 
 

2013-06-17

開架 MIX & MATCH ~~~ Collection Cosmetics

早於2-3年前已經聽過Collection這英國品牌,
當時我的一位同事時常oversea網購化妝品, 所以都略知一二啦。
當時看到實物都覺得它們家的妝物好colourful啊 !
 
 
最近被邀請出席Collection 2013初夏創意新品的聚會,
大會安排地點是旺角朗豪酒店, 非常方便啊。
一到場, 馬上搜尋擺放得最美的佈景台瘋狂地拍照。
 
 
日大會貼心的準備了小點招待大家, 邊吃邊看司儀介紹,
還請了星級化妝師Annie.G及她的徒弟Jan Chan為大家示範2個美美妝容,
(示範的只是Jan, Annie坐著看徒弟表演好了xdddd)
 
原來Collection已經有2年歷史, 是英國熱賣的化妝品牌, 妝物是非常的色彩繽紛,
鼓勵女生mix & match創造個人風格, 大膽地表達自己。
 
好啦, Jan為2位model示範, 第一位係化一個夏日淡妝,
我個人中意淡妝啊, Jan講了一些秘訣給大家, 又學到野啦 (笑)
model化妝後氣色好了, 精神百倍, 好charm啊。
 
 
之後Jan為第2位model示範一個比較用色多一點的妝容,
著重眼妝部份多一點, 而且畫上了bling bling eyeliner,
整個眼妝非常突出, model展現更美的一面給大家喔。
 
 
 
 
 
看完Jan的示範, 就到台下各人盡情試玩檯上多款化妝品啦。
有face primer, 粉底, 碎粉, 眼影, lipcream, lipgloss,
blush, mascara...etc。
 
 
bling bling gel liner可作眼影使用, 只要先掃上眼影, 再加少少gel liner輕輕印開,
就會有不一樣的效果, 如果怕閃粉太大顆, 就不要這樣使用好了。
 
 
再來介紹一下超貼心的粉底產品, 第一次看到這樣的設計,
打開瓶蓋有一個小鏡子, 還有一個遮瑕膏...omg, 這個我很喜歡呢。
再扭開瓶蓋, 就是粉底了, 輕輕用手指上粉底, 再用大掃推開就會貼薄很多。
 
另一款有gimick的就是lipgloss, 嘩, 一打開有LED燈耶, 樽身還有小鏡子,
真的很方便去夜店或在燈光不夠的地方補妝, 很好的設計,
不過沒電了怎辦? 唯有買一支新的啦 (笑)。
 
 
還有礦物碎粉, 瓶身已有掃, 方便攜帶, 一支搞掂哂, 不過呢, 我覺得個掃有點硬,
刷於臉上有點不舒服, 如果青子能改良一下就好了。

下面3支是lipcream, 有matte的效果, 今年好hit matte lip,
但是用lip cream打造matte lip, 相對地會有點小乾, 易顯唇紋。

cream shadow很易推開印開, 而且有很多顏色選擇, 可以試試秈啊。
 

還有gel liner, 很特別的藍色 & 金色, 我們試在手背, 之後用濕紙巾抹掉,
居然...很難把它抹掉啊, 相信是蠻持久的吧, 我要親身畫於眼皮上試清楚才對。
 
mascara & concealer都有, Collection真的有很多種類的妝物, 是超過100件喔。
現在在香港不難找到它的蹤影, 可在各大Watsons & Maple買得到了,
最吸引的是價格親民, 學生哥都可以負擔得起。
 
 
有幸得到Jan的出手, 幫我畫咀, 哈哈...我很專心的看著鏡子呢。
原來偏橙的lip cream都好襯我啊, 這個夏天向橙唇出發 xddd
 
 
 
很喜歡跟blogger朋友們一起參與活動, 在活動中看到熟悉的臉孔,
我都會主動say hi...看到我的熱情不要被嚇怕喔 ^
 
 
 
 
 
活動後大會送了小禮物給我們回家體驗, 多謝Collection喔 !!!
Collection於2011年衝出英國, 進軍亞洲, 而香港就是第一站啦。

查詢電話 : 2635 5951
網址 :  
www.collectioncosmetics.com.hk
Facebook :  www.facebook.com/CollectionHK
售賣點: 各大Watsons專櫃 &  MAPLE專櫃
 
 
Thanks for reading
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 
chrisc.makeup@ymail.com

 Connect with me for more update :
 
  Youtube Channel    Facebook    Yahoo Blog    Weibo

  Email : chrisc.makeup@ymail.com