2012-02-28

(Event ) ♥ 《旭茉JESSICACODE》 「百人實驗室·清新 『型』 象篇」體驗坊 ♥

 
上星期出席了《旭茉JESSICACODE》 「百人實驗室·清新 『型』 象篇」體驗坊 ,

沒錯....是100人喔, 本以為100人的event一定會有點安排不當, 或者有點混亂啦,

不過這次絕無這種體驗, 大會安排得好妥當喔 (笑)。
 
 
這次JESSICACODE event 的會場位於跑馬地, 幸好我跟Yandy & Tata一齊去,

不會迷路。 進入會場之前會派一個號碼作活動時抽獎之用, 我是62號, heheheh

會場佈置簡潔, 大方得體, 坐位亦安排得恰當, 大家都可坐得舒舒服服。
 
 
每個坐位都放有小禮品包, 接著我們便填好問卷。 而今次sponsor單位包括 Bio-Essence,

Delight Max 2, 本草堂, Lactacyd, Suisse Reborn。

JESSICACODE 更請來嘉賓貝安琪 & 蔣怡分享日常肌膚護理, 二人都很相當有氣質呢。
 
 
品牌派出代表介紹自己的產品, 亦有model現場示範產品,
當中草本堂的 paper mask,

能倒出大量精華液, 令大家嘩聲四起嚕。
 
 
而Suisse Reborn的 眼部精華亦是好吸引,
是舒淇代言那個眼部精華, 包裝真夠金碧輝煌啦。
 
 
活動環節亦包括了抽獎, 由各品牌送出禮物, 估不到一向沒抽獎運的我居然中獎了。

我得到的獎品是 Lactacyd 護理液 + 健肝寶 (太lucky了)。
 
 
大會更安排了精美茶點給在場每一位參加者, 有咸點亦有甜點, 味道還不錯啦。
 
 
下面的是我抽獎得來的禮物, 我一個人用不完, 會送給朋友一同分享這份 luck (笑)。
 
 
而每位出席的都有以下禮品喔.... 今次是我第一次參加那麼多人的event, 感覺舒適自在,

多謝JESSICACODE邀請出席, 期望下一次的活動嚕。
 
 

找我 :


2012-02-24

♥ (分享手信) 有S小姐的手信.... 亦有自己敗回來的東東 ♥

之前S小姐去澳洲玩, 買左手信俾我喎, 真係知我心意, 買化妝品俾我 (笑)。

不過我唔識呢個牌子啊, 有eye shadow and lipgloss送俾我, thanks。

eye shadow 係 smoky eyes系列啦, 一睇佢黑黑咁既色就想同自己化返個smoky,

不過老老實實, 我自己未試過玩smoky的, 硬係覺得唔係好襯我,

化左會有d不論不類咁囉。 (爆爆爆)
 
 
eye shadow個質地係偏膏狀, 輕輕用手指一掃就好上色好貼,

而且仲好long lasting添, 如果佢4格既色分別大d就好啦,

因為佢4隻色都好鬼相似, 想用同一palatte化個變化大d既妝都唔得, 要溝第2d色啊。
 
 
試上手日光下係咁既色, 呢盒eye shadow for clubbing用都唔錯, 夜晚出去玩可以濃d,

日頭化到咁濃真係嚇鬼咩....wakakkakaka

至於個lipgloss, 係偏nude色既, 搽左 = 冇搽咁囉, for me好似淺色左,

為左唔好嘥野, 我suggest S小姐自用啦, 我搽左好似有病咁啊, 面青口唇白咁囉。 (笑)

 
好啦, 講下近期買左d咩啦, 早前用哂一樽L'occitane shower oil (杏仁沐浴油), 但就冇買新既,

點知冇用幾日, 個身又痕到爆炸, 好似好乾咁樣, 所以bangbang聲走左去買返支。

今次見到有大支裝500ml, 印象中好似係 $390/ 500ml, 抵買過250ml。

呢支shower oil濕水後會乳化, 摔上身唔會有油膩感覺,
沖身後都唔會有滑dodo咁一層野喺皮膚到,

但就有一定既滋潤度囉, 我用返佢就少左身痕, 即係冇日日痕囉, 但天氣太乾我都會痕架。

其實佢有杏仁精華, 但就冇咩杏仁味架, 我唔中意杏仁味既野, 但呢支冇杏仁既味喎,

OK喎, 怕杏仁味既你都可以一試喔。
 
 
仲有搭同事喺澳洲買返黎既Jurlique smoothing mist, 洋甘菊有妤媛作用,

好岩成日敏感發紅既皮膚用, 喺公司噴下噴下又香又保濕啊 !

喺澳洲買平過香港買, 呢到一支好似around $250 ??? (真係唔記得左)

 
仲有同事去台灣幫我買既假睫毛, 而家練妝多左, 要用得多d, 喺台灣買平好多喎,

公主李交叉7一盒唔洗 $75, 另一款 #728 比交叉7長 & 濃密, 就around $55一盒。

仲有beautymaker既明眸膏, 我用黎做光影比較軟 & 滑身的, 幾好用啊。
 
 
每次搵MODEL練妝, 我都會用既三美人粉卜, 唔會番用的,
 每次用完MODEL拎走自用唔好嘥。

SASA有粉紅色係大SIZE, 有一隻粉藍色係細SIZE的啊。
 
 
KATE眉粉係上架好物啊, 又平又好用, 但我自己平時貪方便, 只會用眉筆畫幾野,

再用眉刷刷鬆佢, 咁就會自然D, 不過有時間就用眉粉掃上就更SOFT啦。

 
DHC既EYE MASK我未用過的, 所以買左2盒,
 一盒自用, 一盒用黎做小禮物送左俾網友了。
 
 
 
佢可以痴住眼袋, 任你行黎行去, 睇TV都唔會跣落黎, 用完既感覺係>>> 敷左好過冇敷,

你知啦, 眼既問題唔係易搞架, EYE MASK呢家野唔係敷幾次會見效呢。
 
 
二月生日, KIEHL'S 送左BDAY GIFT我...heheheh 多謝哂喎。

有hand cream, body cleanser and 防曬spf50 pa+++

佢呢隻hand cream好鬼潤架, 冬天用真係幾好的。
 
 
嘩, 呢隻cheese百力滋好好味, 好濃豬屎味, 又夠幼好似好kum食咁, hahhaha

759阿信屋有啊, 快d去買買買啦 (笑)
 
 
有蝦味既燒餅, umm....我覺得just ok啦, 又唔係好好味咁囉。

又係759阿信屋有得買啊, 鐘意食燒餅的可以試下。
 
 
找我 :

2012-02-21

Cow One Dinner 2012 @ 盛8

 
牛一食乜好, 一定唔係我揀啦, 梗係俾我阿女Denise揀啦 (爆爆爆)。
係架啦...做左人阿媽, 去邊到玩、邊到慶祝、食d咩都唔係大人話事,
係細路話事, 因為我地想仔女開心, 係咪 ?
 
適逢我既牛一又咁岩係星期日, 齊齊出動去盛8食烤肉嚕。
一早book左仲可要求卡位 (笑), staff 好好人,
預留左俾我地啊 (讚 x 1000000)。食烤肉不外乎食下豬、牛、雞咁,
但我覺得喺屋企食烤肉,食和牛抵食好多 (C9上身)。
用出去食既價錢, 就可以喺屋企食到更好既和牛喔。
 
 
3個人食左都幾多野啊, 不過有大胃皇喺度冇有怕啦,
 絕對唔洗擔心食唔哂 (爆爆爆)。

super hot豬腩肉
鹽燒極上一口牛
燒汁牛胸腹
A5群馬和牛 (肉眼)
鹽燒牛舌
 
 
柚子胡椒豬腩肉
汁燒璣煮鮑魚
香草牛油燒海螺
日本尤魚桶
特上和牛炒飯
仲有個牛尾湯 (冇影相)
 
飯後甜品我冇食, 真係頂唔順, 佢地倆父女砌掂佢啦。
有芝麻味雪糕, 同埋咩咩牛奶奶凍既物體,
 (奶凍係唔好味的 xdddddd)。
簡簡單單的一家人出去食餐飯,
就係咁樣過生日啦, 一切都歸於平淡是也。
 
 
 
 
 
同你地講, 呢個牛一蛋糕好好味, 芒果酸酸甜甜,
配埋CREAM CHEESE, 真係好味啊 !

後記 :
本身今年牛一好想去海浪公園玩, 不過聽新聞話3日有4單故障,
即時打消念頭啦, 搵命博咩。其實我都好幾年冇去啦,
不過一諗起咁多大陸同胞唔守規矩, 又周圍痾屎痾尿, 乜癮都冇哂嚕。
 
Thanks for reading

Connect with me for more update :

Blogspot   Youtube Channel   
Fan Page   Facebook
 
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com


 

 

2012-02-19

(百靈牌) 家中必備, 方便又易用....百靈牌耳背體溫計

大部份人家中必備一樣東東, 特別是家中有小朋友的一定會有的,

就是體溫探熱計啦。 我認識的探熱計中, 包括有傳統探肛的、探脷底的、

紅外線探前額的、以及紅外線探耳朵的。

之前有聽聞過百靈牌出了一款耳背體溫計, 適合家長幫熟睡寶寶探熱,

我以前一向是用紅外線探耳朵的, 不過用於正在生病, 或是情緒不穩的baby,

的確是有點難度喔, 有時真的怕會弄到寶寶感到痛楚呢。
 
 
這次品牌邀請使用這款耳背體溫計, 使用革命性耳背測溫技術, 操作輕柔,

不易弄醒熟睡的baby。 不過我家的小baby已經長大, 不再是baby了,

不過每天上學前仍是會給她探熱, 看看有沒有發燒才安心讓她上學去,

所以是非常方便及實用的啦。

品牌介紹 :

德國百靈牌是P & G旗下品牌之一, 品牌於1921年成立, 產品一直被推祟的是創新技術、

可靠的品質及設計。產品由電動剃鬚刀, 家庭美容電器至家庭電器都有, 產品遍佈世界各地。
 
 
百靈牌耳背體溫計擁有專利耳背測溫技術設計, 利用傳導效應和預測技術, 透過特殊感應器,

探測流經耳背的熱流, 特別適合小寶寶, 真的是媽媽們的好幫手啊 !

只需一秒可測出體溫, 只要把體溫計輕輕放在耳背, 測溫不易弄醒寶寶喔。
 
 
耳背體溫機機身輕巧, 易於控制使用, 只需拉開膠紙, 接觸電源即可使用嚕。

再撕開那綠色的膠紙, 便可清楚看到顯示屏喔。

此體溫計經美國及歐洲臨床証實, BET1000 的準確度比一般市面前額式體溫計優勝,

Fever Insight 亦是美國Kaz 的註冊商標, 用家可安心使用, 安全可靠。
 
 
使用方法 :

(1) 按下「開機」按扭, 等待顯示屏顯示「OK」。

(2) 輕輕將體溫計置於耳垂背後接近頸動脈的凹陷位置。

(3) 按一下機身背部綠色按扭, 等待一秒并發出「嗶」一聲後, 即可鬆開按扭, 便能測出體溫。
 
 
經臨床驗証, 百靈牌耳背體溫機獨特的 Fever InSight 體溫提示功能, 更精確探測體溫。

有3種色光顯示燈, 而且可儲存8個測溫紀錄, 輕鬆掌握體溫紀錄及變化。

價格 : HK$569

銷售點 : 各大萬寧、WATSONS藥房、吉之島及大藥房有售

查詢電話 : 2635 5950
 
 
我家在用的是紅外線探耳朵的體溫計, 相比耳背體溫計有以下3大缺點 :

(1) 顯示屏不夠大, 而且沒有背光燈設計, 顯示體溫時比較差嚕。

(2) 探測體溫時需時4-5秒, 寶寶在動時比較容易弄痛/ 弄傷。

(3) 要買膠套替換, 買膠套要成本啦, 不化算呢。
 
 
看, 就是這麼簡單, 接觸一下耳背, 按一下機身後的綠色按扭,
一秒鐘就得測出體溫, 真是方便得很。

3種顏色背光燈 : 紅色 = 發燒, 黃色 = 體溫偏高, 綠色 = 沒有發燒

沒騙你, 是誠意推介給有寶寶的媽媽們, 超簡單的幾個步驟, 不易弄醒寶寶的好物啊 !

要知道生病的寶寶脾氣有多壞嗎 ? 難得乖乖睡著了還想把他弄醒, 繼而哭過不停嗎 ? 哈哈 !
 
 
找我 :

2012-02-14

(分享自購) Guerlain 告別老態。。。享受奢華 〔附情人節小送禮〕

 
相信大部份人都有塗精華液的習慣
每天最簡單的護膚程序 :  潔臉  >  toner  >  眼霜 >  面部精華  >  面霜
當然有時間要做得更仔細啦 (e.g. 深層清潔、按摩等等)
今次入手了矜貴之選 :
GUERLAIN ABEILLE ROYAL YOUTH SERUM (殿級蜂皇嫩肌精華素)
 
 
因為之前Barbie給我一支5ml sample, 一試愛上便要去敗家了。
Youth serum價值 $990, BA 說買滿 $1000, 即時減 $100 (大喜),
即是說我只需多買一件貨品, 就可馬上省100大元 , 哈哈,
要把握機會, 買了一支KISSKISS GLOSS, 好像是 $220
 
 
最後我還成為了member, 迎新禮物是 >>> 可刻上自己名字的鏡啊 (感覺好專貴呢)
可是刻名需時, 等了一個月還沒有完成, 沒有實物給大家看喔 ()
BA還送上洗面奶、眼霜及補濕精華試用給我。
 
 
對了, GUERLAIN的包裝真的好吸引, 專屬「蜂巢」瓶子,
玻璃瓶身配上鑴刻嬌蘭蜜蜂圖案的金色瓶蓋感覺好名貴啊
 
 
滴管既設計有點敗筆, 每次要打開瓶蓋, 接觸空氣的機會倍增,
會否更易影響品質呢 ? 如果換轉是bump裝應該更為適合嚕。
 
 
滴管要用手按壓, bump出所需分量。  天啊,  何解會那麼困難地bump出呢 ?
每次使用都費盡92虎之力,  好可憐啊  ! 
品牌可理解一下用家, 改一下包裝就好了。
 
 
精華質地是白色液體狀, 滋潤, 而且沒有黏肥膩感, 好易被皮膚吸收嚕。
有淡淡清香, 超級好聞不會太俗, 晚上用後更易入睡 ( x 100000000)
每次bump4滴的分量,  全面搽, 重點用於虎紋位, 眼角位及額頭位,
這些地方比較易產生皺紋嘛, 多搽一點作修護更好。
 
 
我買這支精華主要是耍對付我的細紋, 用了2星期感覺良好,
沒有過敏現象, 而且眼周細紋好像有減淡了, 有緊緻的感覺,
希望keep住用, ,細紋可以有更多改善吧。
 
 
最後分享一下到日本必買的東東, 好友 W 小姐到日本一行,
不忘幫我購物, 勞煩了哈哈。
喉嚨痛感不適, 龍角散真的幫到你, 一包包攜帶方便,
而且粉狀帶甜味, 易入口, 不防一試。
作感冒不用看大夫 (可惜那人不是我), 可服用白兔牌感冒藥,
我家大少每次作病, 只要服用這感冒藥, 就不用去看大夫了。
當然嚴重的就要去看大夫嚕 ()
 
 
對了, 為慶祝情人節, 搞一個「情人節小送禮」,
 
禮物 (1) DHC Revitalizing Moisture Strips Eye Mask (一盒6)
禮物 (2) Dolly Wink Pencil Eyeline (Brown)
禮物 (3) Maybelline Hyper Diamond Liquid Liner + OPI mini甲油
 
想得到Chris的小禮物, 快來Chris Cheung's FB看詳情吧 !
(截止日期  19/2/2012 23:59)
 
P.S. 以上的將會是我要送出的小禮物, 大家繼續留意喔 ^^
 

2012-02-10

爆笑的生日飯 @ 天寶閣

 
朋友分好多種, 有知己良朋, 交心好友,
亦有普通朋友 (即係好日都唔見一次嗰種)。
咁真心朋友到底有幾多個 ?
自己數數手指....umm... 10隻手指數得哂啊 !
細個嗰時唔識野, 咩同學、同事、
普通朋友都可當成自己既好朋友喎。
但年紀越大, 發覺真心朋友應該係守得秘密,
可放心去傾訴既, 值得信賴的, 當你有事唔開心時,
 總會企出黎撐你, 關心你。唔係只識同你去玩去蒲飲飲食食嗰種。
如果有呢種朋友, 要好好珍惜喔 ^^
 
就快到我生日啦...雖然我成日都係做搞手幫朋友搞飯局,
但唔好以為自己生日唔洗做喎,
哈哈...自己生日飯要自己安排喎, 係咪搞笑先.... (爆)
不過, 我對住真既朋友, 有咩唔likey會出聲囉,
警告你地班友仔...問你怕未 wakakakakak
2012第一擊, 打響頭炮係2月份生日既我, 之後會有W小姐,
K先生, 同埋J小姐。2月食中餐 @ Sheraton Hotel既天寶閣,
貪佢坐得舒服唔洗趕住交檯, 慢慢吹水笑餐飽。
本身想試下嗰個乞兒雞...wakakak, 其實menu上係富貴雞啊 !
 但要2日前落order俾埋deposit喎。
 
 
 
aiya, 冇緣試富貴雞, 唯有退而求其次食來自香港既北京填鴨啦 (哈哈),
可以一鴨兩食啊。小食叫左個芥末海折頭, wow,
好得意囉...d wasabi 味唔係好濃, 海折爽到"索索"聲, 好味啊 !
 
 
 
 
填鴨第一食, 片左皮, 而且仲片得好薄添...冇咩肥膏 !!!
夾埋青瓜、蔥, 加d醬用薄餅卷住食, 我唔like食蔥,
但青瓜既爽脆已經減少左鴨皮既肥膩, 我好大食....食左5件....wakakkakakak
 
 
 
跟住切左一對鴨脾出黎, 配以酸酸甜甜既梅子醬,
隻脾好鬼多肉, 肉質仍然嫩口, 冇"so"味,
仍然keep到juicy啊, 點左醬食都唔會好漏。
 
 
薑汁瑤柱炒飯, 炒得乾身, 不過可能笑到飽哂啦, 唔係覺得超好味,
一碟4個人分, 每人一碗飽到上心口啊大佬, 如果佢薑味重d仲好啊,
老人家要驅驅風嘛 (爆爆爆爆爆)
填鴨第2食係炒香d鴨肉碎, 用生菜包住食,
不過佢既賣相就麻麻地, 要吸引飽飽地既我有d難度,
我一啖都冇食啊, 最後我以一貫不浪費作風,
打包叫朋友仔拎返屋企, 唔好咁折墮嘛。
 
 
唔知兩位格仔人介唔介意喺我blog中出現, sorry J小姐 & K先生,
要你地變成格仔人.....多謝你地為我慶生, 收禮物環節真係爆笑連連,
喪笑起碼30分鐘以上, 真係人都顛。
而且仲有video作留念, 真係笑到皺紋都飛哂出黎啊 !
有人仲被玩到喊添 xdddddd
 
 
 
笑到想死咁 !!!!
 
 
2012 生日第一炮已完滿結束, 期待之後嗰3炮,
希望你地3位自己搞, 唔好再叫我搞啦 !
因為, 我已經為自己安排左今次既飯局啦 (大爆)。
 
 
Thanks for reading

Connect with me for more update :

Blogspot   Youtube Channel   
Fan Page   Facebook

 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com