2013-07-29

夏日價廉物美潔面之選

每個人膚質都不同, 用的護膚品、潔面產品都大有不同,
先說說我的膚質, 屬中性偏油, 有小敏感。
而我一向落妝後都要用有泡的潔面產品再洗一次,
才會安心, 這樣才算是真正落了妝、洗了面。
 
 
落妝油方面我一向使用DHC的cleansing oil, 用了多年沒有任何敏感,
不覺得油膩,反而潔面泡方面就時常會轉一下牌子,
平常會用雪花秀、Sofina、Kiehl's、L'occitance等等。
今次PR送上一支開架潔面產品, 是POND'S的喔, 記得讀書時沒多餘錢,
只能買開架產品, 其實當中有一些很好用的,
只要夠運就能遇上適合自己的啦。(笑)
 
 
無瑕透白系列極致明亮洗面乳 100g (HK$49.9)
以這個價錢有這麼一大支, 真的非常抵用, 這支洗面乳揉合嶄新GenActiv ™ 活基元配方及柔珠微粒,
能深層清潔肌膚同時溫和洗去角質及油脂,幫助減少暗沉,洗臉後,肌膚更白皙明亮

唧出來是淡淡粉紅色的, 細看之下有點小微粒, 是很幼細的微粒喔。
 
 
選擇合適的產品最重要是用得舒服又沒令皮膚過敏,
當然想美白就買有美白功效的產品,
主要是針對自己需要的才去買啦,
都是這一句 "要親身試過才知道效果"。
 
 
每天早晚潔面, 不要洗面太多, 否則洗走了皮膚上應有的油脂,
反而令皮膚更易出油及更乾嚕。潔面時準備起泡網,
可到吉之島12蚊店、muji買到, 我這個muji是$15。
潔面乳跟水的份量是1比1, 水太多就不能起泡,
我連起泡網都不沾水的, 這樣比較易控制水的份量嘛。
 
 
看...只是把起泡網於掌心打圈轉7-8下, 就有這麼多的泡泡耶,
很豐盈的泡沫啊!香味是淡淡的, 就是不刺鼻的香味。 
 
 
將泡泡點於臉上, 兩邊臉頰、額頭、鼻、下巴, 先於T ZONE按摩,
再按兩邊臉頰, 因為T ZONE出油較多,
這樣的步驟不會令兩邊臉頰過乾。
 
 
按完之後用室溫水過水就可以了, 之後搽返平日的護膚品,
要知道每天的潔面步驟很重要,
潔面不徹底, 用再好的護膚品只是浪費喔。
 
 
用了大約一星期, 沒有令我皮膚過敏, 這點是最重要的,
潔面乳的微細粒子有少少幫助去掉角質層,
用後沒有繃緊不適, 屬於溫和的洗面乳喔。
至於美白...我暫時沒有覺得自己變白了,
只是覺得皮膚透亮了一點啦 !
 
 
 
Thanks for reading
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 
chrisc.makeup@ymail.com
  
 Connect with me for more update : 
  Youtube Channel    Facebook    Yahoo Blog    Weibo

  Email : chrisc.makeup@ymail.com

2013-07-26

另類甜品選擇 @ 甜牙牙

甜品...可以話係我的最愛, 基本上正餐食到好飽,
但食甜品依然可以食得落。不過, 有D甜品係非常飽肚,
建議唔好食正餐, 直接食甜品就夠啦。
講緊係咩甜品咁飽 ??? 就係窩夫、pancake類甜品囉。
 
 
今次再一次黎到位於尖沙咀既「甜牙牙」,
係啊...我唔係第一次黎架啦, 之前黎過一次係食窩夫,
不過呢...上次感覺唔係太好, 因為d窩夫令我有點失望。
我覺得整得好既窩夫, 最緊要熱, 有香濃牛油味帶出麵粉既香,
入口唔可以好乾, 要面層少脆, 裡面鬆軟, 咁先為之好味。
 
 
由於我知道自己唔中意食呢到既窩夫, 所以揀左比較特別D既甜品試試,
「阿拉斯加火焰雪山」$68, 話明係火焰, 一定有少少酒精點下火, 再淋上面啦 !
我係單睇外表喺MENU入面揀既, 因為佢外表算係吸引嘛 (笑)
 
 
店員同我地講, 製作需時, 可能要等20分鐘, 我當然冇問題啦,
只要落單時講明就OK了, 不過, 我地等左10分鐘就見到真身啦,
賣相同MENU的一樣, 冇走樣, 整得好靚啊 !
店員喺我地面前示範點火, 見佢點左幾次都唔著火都替佢擔心,
好彩最後都成功了。好啦...睇我切餅儀式啦 XDDD
 
 
面層白雪雪既係蛋白加糖打成的, 入口都未算太甜,
可以接受的甜度, menu上見到係用橙酒點火成火焰,
但我又食唔出有橙味噃, 不過都唔係咩重點黎既。
中間有d 咩呢...就係cream、生果、雪糕, 仲有少少窩夫添喎,
不過今次既窩夫比上次好d, 因為有大量cream、雪糕令佢軟身左,
所以入口時唔會好乾。整體黎講, 呢個火焰雪山我覺得唔錯,
有蛋白花、cream、雪糕既軟滑, 又有窩夫既咬口,
加埋新鮮生果同朱古力醬點綴, 成個甜品都好豐富,
最重要係佢冇落太多酒, 否則一定大打折扣。
 
 
另一款係「芭娜娜提拉米蘇pancake」$49, 呢個真係抵食夾大件啊,
好後悔食飽飯先去甜牙牙, 因為食兩個咁有份量既甜品真係會勁勁勁飽架。
呢個pancake我地都係等左15分鐘左右, 一上檯, 嘩, 好似好好味咁喎,
只睇入表就好掂啦, 唔知食落又係點既呢, 哈哈。
 
 
切開一睇, 共有兩塊pancake夾住一片片既香蕉, 同埋香蕉蓉,
仲有marscarpone cheese, umm...好香好軟, 老實講,
pancake比窩夫好食好多, 絕對唔覺得佢乾, 而且有兩種不同既香蕉喺入面,
增加左口感, 加埋cheese, 簡直係...BRAVO...好味,
不過呢個pancake我建議4個人食好d, 因為可以有空間再試其他甜品吖嘛,
呢晚我地兩個女仔食, 好勉強都食唔哂 xddd
 
 
拿拿拿...又一眼闊肚窄實証啦, 兩個人叫兩個咁有份量既甜品仲唔夠,
仲要叫多個xdddd「法式焦糖燉蛋」$32, 以呢個價錢黎講算大size啦,
我自己平時食唔中意太多糖,  今次一下子唔記得叫少糖,
就真係好甜啦, 雖然焦糖好香, 不過太多會好漏啊 !
第一啖入口好香蛋味奶味, 做得好滑, 質地就好似林左少少,
不過都ok既, 中意食cream brulee既朋友可以試試喔 ^^
 
 
當晚我地大約8:30去到, 人客未算多, 所以唔洗等位, 如果過左9:00去,
就可能要排隊等位啦。店員會提供清水俾客人, 這點值得一讚既,
 如果店員唔記得俾, 你直接問佢攞就可以了。
講真, 如果香港既雪糕店、甜品店都肯做多少少,
送上一杯清水俾客人就好啦。
 
 
 
Thanks for reading

Connect with me for more update :

 
Blogspot   Youtube Channel   
 
Fan Page   Facebook

 
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

2013-07-25

化妝班 JUN 2013

 
睇靚相 ~~~ 更多美美照片可到我FACEBOOK專頁看看 >>> Facebook 
 
 
幾個月前已幫這位客人化過宴會妝, 今次她有一個特別約會,
再找我為她化妝, 多謝你還記得我, 再一次找我為你服務喔。
今次的妝都是以高貴優雅為主, 要突顯客人的氣質嘛,
很高興你喜歡今次的化妝喔 (笑)。



 
這位客人還跟我報讀了「個人化妝班」, 化妝班共兩堂, 時間比較易控制。 
 
 
 
一對一的教學, 學生佔用所有時間, 把握機會, 有不明白的地方就馬上問,
而我, 就要要讓學生了解化妝品、化妝掃之運用,妝前保養、化妝細節及技巧。
 
 
更要即時指出學生面型、眼型、膚色特質,糾正錯誤手勢,
加強鍛煉必事半功倍。見到學生自我了解後完成整個日妝,
她滿足的表情令我好安慰,回家要努力練習,加油啊!
 
 
見到同學化妝有錯漏時,我真的會捉住學生的手, 教到學識畫為止。
 
 
今個化妝班還教了隱形假睫毛貼法,而家有教自己在家捲曲髮型小敝步,
除了靚妝,靚靚髮型都重要啊! 
 
 
 
有興趣學化妝的朋友, 可EMAIL給我查詢喔 !
 
 
Thanks for reading

Connect with me for more update :


Blogspot   Youtube Channel   

Fan Page   Facebook
 

 

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

 
 

2013-07-20

(彩妝) 2色眼影 + 1 條眼線 = ♥ 讓你輕鬆自信出門玩 ♥

 
上次我介紹過由美國訂回來的化妝品, 當中有JUMBO LIP PENCIL,
可惜用後有點乾, 用後有輕微脫皮現象喔 ><
今次手上有差不多類型的產品, 是BOURJOIS家的新品喔!
這支JUMBO STICK LIPSTICK $108 共4色, 是Limited Edition啊。
 
我手上這支是#04 (Peach on the Beach), 即是偏橙tone的唇膏,
這顏色很自然, 尤其適合夏天使用, 薄薄塗一層已經很出色,
而且用後不會乾, 很保濕滋潤長達10小時, 最好就是有防曬系數spf15,
所以我說很適合夏天用, 夏天紫外線特別強勁嘛。
 
先來看看試用圖, 第一層很自然, 第二層更出色,
白天淡淡的塗一層就夠了, 可配合自然的日妝,
晚間可多塗一層, 增加雙唇立體感, 更顯sexy。
 
 
除了Jumbo Stick Lipstic外, 我手上有Record Liner Waterproof ($138),
共有3色, 賣點是48小時防水定妝, 今年的新色彩原素,
創新的推出了果蜜綠色, 新配方、新質感如cream gel, 質地更幼滑。
 
 
我手上的就是最新出的 #14 (Kaki Boheme), 是綠色的啦。
Ooo...心想是否很難搭平日的妝容呢 ? 不過我這擔心是多餘的,
因為這顏色真的很易搭, 日妝、晚妝都ok, 而且今次包裝內附小掃子,
方便大家放在包包隨時化妝畫眼線, 小巧的很易收納。
 
 
只是輕輕一畫就出色了, 而且非常快乾, 之後用手指摔都沒有脫落,
再去用水沖, 之後又用手指摔, 有輕微的脫落了一點, 情況絕不嚴重,
是可以接受的啦。
 
 
好啦, 今次就用BOURJOIS這兩件法寶, 加上2隻顏色眼影化個快速去街妝啦,
今次著重眼妝部份, 希望大家會中意啦 (笑)。
 
 
至於是那兩色眼影呢? 就是大路的珠光粉紅及啡色, 今次用到的眼影是英國品牌Sleek,
基本上每次貪方便, 我都會用這一盤, 顏色是超好搭的, 有2色還可當眉粉用,
而且價錢相當便宜, 推薦喔 ^^ 
 
 
 
(1) 首先, 用珠光粉紅色掃上整個眼窩。
(2) 用啡色掃於雙眼皮摺對上少少,
今次我會眼尾1/3掃高一點點, 以增加立體感,
有助眼睛看起來大一點、圓一點
 
 
(3) 同樣是用啡色畫眼尾拖出2mm左右,
下眼線畫1/3, 眼尾可輕輕畫粗一點,
 至眼珠位置慢慢幼一點, 這樣比較自然。
 
 
(4) 用BOURJOIS Record Liner Waterproof 畫上眼線, 我今次用自己的斜角掃,
因為自己的掃天易控制, 由眼中央落筆, 至眼尾拖出伸延開去, 再由中央畫上眼頭,
我的雙眼皮不夠厚, 所以我畫的眼線是眼頭最幼, 眼尾才加粗,
這樣畫, 開眼時眼皮不會把眼線吃掉, 這是我的小tips
 
 
(5) 掃上自己喜歡的mascara, 我一般只掃2層, 因為掃太多會比較重,
而令睫毛不夠捲曲及下垂, 下睫毛都塗一層就ok了。
 
 
美女們來看看, 淡淡的眼妝就是這樣輕易畫好了,
眼睛有神多了, 人都自信一點啦 !!!
 
 
最後當然是塗上自己喜愛的唇膏、唇蜜啦,
今次我當然是用了BOURJOIS家的Jumbo Stick Lipstick,
它真的是很好畫, 顏色就是很美很自然, 就是我杯茶好了。 
 
 
 
塗一層不夠就塗兩層吧 ! 主要是視乎自己的喜好啦, 今次要示範給大家看,
我就塗兩層看看效果吧, 因為相機拍出來的很食色啦。
 
 
今次的妝容真的是super easy, 希望美女們喜歡啦 !
下一次, 我會拍片, 是要示範証件相的妝容,
大家要留意喔, 多謝大家支持呢 <3 <3 <3
 
 
Thanks for reading

Connect with me for more update :

Blogspot   Youtube Channel   
Fan Page   Facebook
 
 
承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

2013-07-18

(雷) 踩中了。。。甜品工房

之前有睇過、聽過1d食評,話甜品工房得個樣,
唔好味的。一直都心思思想試,就算佢有咁多負面食評,
我都要去冒險一試(笑)。
 
 
當晚我地食完飯,過去排隊啦,好彩唔算等左好耐,
等位時巳諗好食咩架啦,朋仔叫左和風物語 ($48),
綠茶口味配小丸子、紅豆,上面係乳酪。
呢款應該係全晚最好味既一款,最正常的,
不過我唔太中意綠茶既甜品 ^^
 
 
另一款芒夏之戀,普普通通既芒果雪糕,配d柚子同新鮮芒果,
仲有少少楊枝甘露,朋友話好jam口,
佢話全部野夾埋都好一般喎 ($42)
 
 
我叫既就係呢個紫葡之戀,個賣相係好靚呀,不過我食左好少,
真心覺得「好難食」。頂層紫色粒粒咬落似膠粒,冇味既,
我食左兩啖挖走曬d膠粒,d冰有提子糖漿吧,
好大陣藥水味,好鬼甜,小丸子1d都唔煙un彈牙,
林patpat的,只有旁邊幾粒提子正常。($48)
 
 
朋友仔唔舒服要食熱野,叫左原盅椰皇湯圓($58),
omg....what's that ~~~~~~~好難食呀!
有D似冇味既米糊,得好少椰味,仲有dd咸味添,
真心說一聲「食到打冷震」。

雖然我唔信邪,明知唔好味都走去試,
但總算係親身食過,冇人云亦云嘛,
但係以佢而家既質素,仲可以吸引到幾多客人食完再返去幫襯呢?
 
 
Thanks for reading

Connect with me for more update :

Blogspot   Youtube Channel   
Fan Page   Facebook

 

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com
 

2013-07-15

化妝事 MAKEUP JOB JUN 2013

睇靚相 ~~~ 更多美美照片可到我FACEBOOK專頁看看 >>> Facebook 
 
6月份的化妝工作種類都不少, 有來自台灣的麻豆Kimi Lu,
她真的好美, 而且人又nice, 不會有什麼架子的,
跟她化妝的2小時就在歡樂聲渡過, 希望下次再見到你啦。
 
 
另外又是Modeling的工作, 林欣是跟我最合拍的麻豆, 我知道她所想的,
她又知道我所想的, 加上合作無間的攝影師FR, 很強的組合 XDDD。
 
 
 
看, 有型FR的背影, 認真工作的男生最有魅力喔 (大爆)。
 
 
另外就是姊妹化妝工作, 幾位姊妹都很美啊, 又要出動摩打手啦XDDD。
 
 
 
另一天的姊妹化妝工作, 晨早天還未光就要出門口, 摩打手又一次出動, 哈哈。
 
 
 
 
 
 
 
 
 
 
 
之後就是PRE WEDDING工作, 短髮到頸的長度, 不用加假髮片,
都有美美的造型, 新娘子要趕快留長啦, 那麼大日子時髮型可以更多變化。
 
 
 
 
 
 
Thanks for reading

Connect with me for more update :


Blogspot   Youtube Channel   

Fan Page   Facebook
 

 

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com