2014-05-03

姊妹、宴會化妝前的準備及注意事項

今次又執左一堆相出黎同大家分享,
其實化妝後變得更靚一定唔會拒絕出鏡,
絕對要多影相做留念啊。(笑)
 
好多姊妹會自己搵化妝師喺朋友結婚當天為佢地化妝扮靚,
揀化妝師不外乎睇 (1)價錢 (2)朋友介紹 (3) 化妝師質素,
如果想搵一位化妝師水準好一點的,
價錢一定不會是百幾二百一位啦,
我只能奉勸大家「唔好一味貪平」,
最後可能買黎一肚氣。 
 
 
(1) 時間的重要性
搵左化妝師既話, 客人都要配合一下,
你知啦, 姊妹妝要喺短時間化妝set頭, 一般係30-40分鐘化一位,
所以客人一定唔好遲到啊, 因為時間唔夠既話,
最終受影響係客人本身啊。 
 
 
(2)頭髮的準備
另外, 化妝前一晚最好唔好用護髮素, 太順滑既頭髮比較難set,
而且一定唔好朝早洗頭, 頭髮未乾透既話都好難set,
就算set curl左好快會變返直架。 
 
 
(3) 皮膚及眉毛
化妝前一晚最好敷保濕mask, 唔好唧暗瘡令皮膚有傷口,
眉毛太雜既話最好自己修一修, 因為時間太趕,
化妝師冇時間幫客人一條一氣拔走的。 
而且最好素顏, 減少化妝師幫你落妝再化過既時間。

 
(4) 隱形眼鏡及服裝
喺化妝師到場之前要戴好隱形眼鏡,
特別係平時用好耐時間先戴到既朋友, 以免阻慢進度。
化妝前最好先換姊妹裙/ 禮服, 因為set頭後再換衫既話,
好易整亂整鬆個髮型架。 

 
希望大家中意我share既小tips, 令大家配合得更好,
你又開心時我又開心啦。(笑)
 
下一篇會講下補妝既準備, 等大家有個參考,
可以自己搞掂補妝, 全日都靚靚啊, 下次見。
 
Thanks for reading
 

 Find me for more update :
 
Blogspot   She Blog 
Fan Page   Facebook Instagram

 

 

沒有留言:

發佈留言