好辣的雞煲 @ 常滿

 

之前同朋友仔黎到荃灣, 趁未係好熱食多次雞煲先,
常滿係我第一次食的, 所以都有少少期待架。
比起平日去既雞煲專門店, 呢度算坐得舒服,
唔算好迫亦唔算太嘈, 很不錯。
 

 

3人份量叫半隻好定1隻好呢?
最後都係半隻小辣「滋味常滿雞煲」算啦,
因為想食其他野嘛 !
不過相比出面, 呢到半隻雞都算係細隻且偏瘦,
好處係冇咁多肥膏囉。(笑)

 

 

每張檯都有一樽湯俾客人自己右入雞煲,
唔洗等餐死都冇人黎加湯, 自助的都幾好啊。
當食完雞加湯後, 旁邊跟既一碗醬油亦可加入去,
可增加鮮味的。不過我覺得D雞如果再滑D就好啦,
至於個汁其實小辣就好似出面既中辣,
辣得黎係慢慢透出噴火既辣感, 食到我出哂汗。
唔係好食得辣既朋友要小心, 叫微辣會好D囉。

 

 

牛魔王架到又點會唔ORDER牛牛吖,
叫左手切牛盛, 入面有牛胸尖、美國安格斯肥牛、
手切本地肥牛&雪花牛粒, 我自己最LIKE手切本地肥牛,
因為牛味最重而且唔會好硬, 又唔會太油膩。
 

 

黑椒象拔牛丸 & 手打黃金墨魚丸我都推介,
牛丸&墨魚丸爽彈無比, 如果墨魚丸多D咸蛋黃就更好啦。
 

 

其次係即炸響鈴, 好鬆化, 浸湯幾秒即食, 好味啊。
仲有釀蓮藕夾, 爽口既蓮藕入面夾住彈牙蝦滑, GOOD。
 

 

而碧綠翡翠滑都可以, 墨魚+蔬菜, 食落比一般墨魚滑實一D。
 

 

 至於我最唔推介既係鮮茄粟米餃, 個皮做得唔好,
浸湯後塊皮好黏, 咬落去感覺好不爽。