實不相暪，之前我對千両冇咩好感，事關唔覺得佢好食，
但又一城旗艦店開左後我即管俾多次機會佢，
點知。。。又出乎意料地好喎，
我可以話佢係高檔版元氣壽司啦 （笑）當然價錢都貴過元氣啦！
我地2個人食左唔少野，簡直係餓鬼投胎一樣（爆），
首先黎一板馬糞海膽先啦！真係唔錯喎，可能新鮮到港，
所以特別鮮味啊，好正，睇賣相已經夠高分啦係咪?
跟住就係軟殼蟹手卷，個蟹炸得剛剛好，
肉唔梅仲有膏添，加埋牛油果的確好岩我胃口。
呢個冇記錯係炸牛蒡小食，話你知。。。一定要食，
特別喜歡薯片嘅朋友一定要食，好香脆又夠咸，惹味小食是也。
呢個大蝦沙律啲蝦好大隻，但口感似假蝦，
我食左1隻蝦就放棄左嚕，下次可以唔叫呢個都得，冇咩特別。
壽司、卷物都叫左唔少，整體覺得比以前好左好多，
無論賣相、食材都係好用心，唔係求其hea你收你錢果種，
真心覺得比以前改觀左啊！
反而燒物我又覺得選擇唔算多，而且唔係十分好食果種，
可以唔叫燒物都冇蝕底啊。
最後叫埋佢地嘅甜品，心太軟唔好食，整得耐又冇流心，
反而椰子雪糕好好味。
我地仲做埋會員添，冇記錯好似食滿$1300，
到生日月會全單7折㗎，而且我地食左2次已經夠數，
11月黎再食過，7折好抵食呢 （笑）
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
♥ theZtyle ♥♥ Qooza Beauty ♥ Youtube Channel♥
沒有留言:
發佈留言