♥ Chris.C Makeup Artistry ♥: 休閒品嚐精緻點心 @ 香宮

2015-04-16

今日係復活節假期最後一日，

約左姊妹們一行3人去香宮飲茶嘆點心。我地一早book左位，

入到去服務員放下一杯菊花茶俾我地慢慢嘆住睇餐牌，

杯菊花茶堅係香菊花味，確係醒神。

仲有好香口既腰添，呢個腰果我實在忍唔到口，

差不多食左一半 (笑)。

我地叫左菠蘿叉燒包，焗得乾身唔油，

最中意上面果層菠蘿皮，裡面既叉燒餡亦好多，

呢個好味，唔錯唔錯。

呢個復活節出既炸鵪鶉蛋乜乜，

中間有d芋泥加上一粒鵪鶉蛋，有d似炸芋角咁樣，

好香，但食一粒夠啦，都有d膩啊！

鮑汁鳳爪，呢個一般般啦，

勝在鮑汁夠濃，雞腳都煮得夠林同好入味。

手拉和牛蒸腸粉，呢個要試，腸粉真係好鬼滑，

配合埋和牛，一點都唔膩，感覺好得意。

煎鵝肝鴨肉軟餅，入面鵝肝鴨肉都唔算多，

面層既糯米比較軟，唔夠煙un, 黑芝麻可加強口感，

不過真係煎得好油下囉。

帶子餃，好清，皮好薄，帶子份量都適中，

食多2粒都唔會飽，哈哈！

響螺餃比帶子餃香，我係重口味架啦！

惹味既東東我最岩，佢同帶子餃一樣，

皮好薄，蒸餃類做得幾好。

最後點少得甜品吖，雙皮奶得咁細碗？

講真又唔係特別好味好吸引囉，奶味唔算濃，

仲有d稀，ok啦！

蓮子百合日本紅豆沙，咁強調日本紅豆，

的確d紅豆好大粒，煲到起左沙又冇話紅豆溶哂，

甜度適中，好味。

最後既甜品一定要食，3個之中最好食呢個，

金瓜椰子黑糯米，金黃色既南瓜露，加上椰子雪糕，

黑糯米就少得可憐，如果多返少少就好了，

整個配搭好有驚喜，我好中意啊！

♥ Thanks for reading ♥

Find me for more update :

♥ Chris.C Makeup Artistry ♥