呢一晚約左朋友去行街，要搵個速食飯堂，
左搵右搵揀左喺大坑既BB拉麵，睇佢店仔細細，
甚有日本拉麵小店風，不過樓底太矮，所以人多時回音都幾大，
有d嘈，加上坐位好迫，背脊貼背脊咁坐得好唔舒服 (>﹏<)
湯既濃度、麵既硬度都可自己揀，仲可以加配料，
而我就叫左最basic既豬骨湯搵麵，湯濃度要正常，
麵硬度都係正常，加埋叉燒，椰菜，同埋蛋添。
第一時間梗系飲啖湯啦！我下次會叫濃d，
因為比較稀同淡口，我係重口味d吖嘛 (爆)。
至於個麵就要硬d，因為我食得慢，浸浸下麵都變林左，
食到尾覺得糊左d啦！
而椰菜絲增加左爽甜口感，唔會咁快食膩左，
個蛋就不得了，糖心到咁樣真係冇得輸，
面層有濃郁醬油既味道，實在好中意囉。
朋友仔叫左黑蒜芝麻拉麵，我覺得好一般，
有期望就有失望添，個湯杰得黎味道啖，
唔係好突出到蒜香同麻香，又係同一問題啦...
下次叫麵要硬d，浸得耐都冇咁快變林嘛！
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
♥ theZtyle ♥♥ Qooza Beauty ♥ Youtube Channel♥
沒有留言:
發佈留言