2013-12-09

越式口味 @ Rice Paper

我一向都少食越南野, 多數食既時候都係lunch,
叫碗生牛肉河就算架啦 ! 不過間唔中同一班朋友去食一餐,
選擇多d, 叫多d野, 又幾有新鮮感喎 !
 
 
 食越南野, 例牌叫越式炸春卷, 牛油雞翼架啦,
umm...春卷都還好, 包個生菜, 落d醋汁都ok,
不過個牛油雞翼就真係麻麻地,
粉漿好厚又唔夠脆, d雞肉又無味, 唔中意。 

 
呢個燒海鮮併盤有魷魚、蝦、菠蘿等等,
最好味係菠蘿, 其他就不過不失啦。 

 
 
燒豬仔骨又係一般水準啦, 有點乾身唔夠juicy,
而且味道好淡, 下次應該唔會再叫呢個囉。
 
 
 馬拉盞炒通菜, 全晚最熱係呢碟菜, 夠味道,
炒得很不錯, 所以我食得最多係碟菜xddd

 
呢個有隻蛋既炒飯我唔記得個名,
都幾辣下既, 小朋友食唔到啊, 入面有D肉碎、
辣椒、菜粒等等, 炒得好乾身唔油, 好香口啊。

 
菠蘿海鮮炒飯就岩小朋友食, 不過呢佢就比較普通,
相比起辣果碟炒飯, 菠蘿炒飯就失色左啦。

 
食到咁上下, 傾傾下又想叫少少野咬下,
叫左呢碟鹽燒牛扒, umm...塊牛扒好薄,
燒到9成熟, 唔juicy而且好乾, 失敗啊 !

 
仲叫多個有香料, 有牛肉碎既蝦片,
sorry, 我又唔記得個名, 請見諒 !
呢個除左塊蝦片好味之外, 其他野都係低水準之作。
 
 
Thanks for reading
 
 
Find me for more update : 

Blogspot   She Blog 
Fan Page   Facebook

Email : chrisc.makeup@ymail.com

 

 



沒有留言:

發佈留言