2013-12-27

私隱度高的餐廳 @ I LOVE BALI

 想傾密計又怕人多、嘈、時間限制 ?
相信好多人都同我一樣架啦 !
今次多得朋友介紹黎到位於旺角既樓上餐廳,
上到去店子細細的, 但好有渡假FEEL喔。
 
「I LOVE BALI」應該係食BALI菜,
不過呢間餐廳主打印尼菜式,
 
 
MENU上選擇都算多, 如果問下店員有咩好介紹,
分分鐘有意想不到既菜式嚕。 

 
首先就黎一個脆卜卜既小食, 好似叫做「魚餅」,
我唔係好記得個名, 咬落去好脆, 冇油膩,
帶點咸香, 不過冇魚味既 XDDD

 
至於飲品, 我就叫左玫瑰冰, 聽聞好多人點呢個特飲架。
 而朋友就叫左青檸特飲, 我試過味, 都唔錯的,
兩杯都唔會過甜, 我ORDER時叫左少甜,
相對玫瑰味會淡左DD啊。 
 
 
GADO GADO (加多加多), 係一款熱食SALAD,
有蔬菜墊底, 仲有我至愛既蝦片,
配一個咸咸地又有D花生既醬, 味道普通啦。
 
 
招牌巴東牛肉 6oz
呢個不得不讚, 的確好味, 辣味出, 汁夠濃,
肉質夠哂林, 送飯一流, 越食越流汗 (爽皮)。

 
 
印尼花豆炒鮮蝦, 花豆係咩黎既呢, 原來又叫臭豆喎,  
有點苦澀味, 唔係人人受得到架, 我個人就麻麻地啦,  
聽聞吃了之後, 去廁所都有好大陣味,
越大陣味代表腸胃越好, 信不信由你,
個蝦球好彈好鮮, 唔知佢用咩醬炒,
類似XO醬啦, 帶出蝦既鮮味, 很不錯啊。 

 
梅爾辛紅飯釀烤雞, 一上台相機食先啦, wakakka,  
成隻雞烤得好靚, 雞肉好嫩, 有淡淡的香草味,
最愛塊烤到好香又唔多油既雞皮, 而且肉身亦醃得好入味,
入面既飯都係有味的, 咬落有一粒粒爽爽地既東東,
不過唔知係咩, 飯太多啦, 我地3個女仔食唔哂,
人多就岩哂啦 !

 
食呢個釀烤雞最好就配呢個YOGURT醬,
 好多時D YOGURT都有大陣"SO"味,
不過呢個醬又處理得唔錯噃, 食到有奶香喔 !
 
 
最後係甜品, 包括3款口味雪糕 (羅望子、牛油果、開心果),
加埋土耳其米飯布甸, 布甸入面有米飯, 面層有玉桂粉,
好特別, 但我唔太識欣賞, 我抗拒肉桂啊。
雪糕係hand made架, 最愛羅望子酸酸甜甜的,
牛油果、開心果相對奶味較重, 但我一樣喜歡。 
 
 

Thanks for reading

Connect with me for more update :


Blogspot   Youtube Channel   

Fan Page   Facebook
 
 
 
 

沒有留言:

發佈留言