今次又係喺Mira Mall搵食呀！係呀，貪佢周圍唔多人嘛 xdddd
Izumi Curry我一直想去架啦，今次揀Mira Mall呢間，
係因為佢同beard papa's一齊（笑）
正如我所講，喺尖沙咀搵間人唔多又坐得舒服既的確難，
我地7：00pm到歩，直頭冇客，我地包場一樣，哈哈。
店內環境唔錯，消費唔太高又坐得耐, 所以GATHERING可諗諗呢到，
你睇下就知，一定唔會嘈（爆）
本身我地冇做好功課，其中一位朋友唔食牛的，
以為可以揀不是牛的咖哩飯就ok，同侍應講咖哩汁另上，
佢話唔可以，因為廚師有佢既原則？？？
但有時真的要變通一下，客人就係因為你既原則而少了選擇。
不過，細問之下，原來佢地咖哩汁都有牛既成份，
所以最後我朋友冇食咖哩飯喔！
呢個咖哩本身已經辣辣地，我以為自己好食得辣啦，加$5叫少辣，
嘩，辣到噴火，個漢堡扒夠哂大件，肉質尚算juicy冇話乾哂又鞋口，
整個飯都好味，不過下次唔好加辣應該更好。
由於朋友冇咩選擇, 所以ORDER左一倨蛋沙律俾佢, 睇倨樣都唔錯啊,
我地冇SHARE食, 因為再SHARE朋友食既沙律, 佢一定唔夠飽XDDD
再叫多個炸蝦...umm...我覺得炸得好油, 一咬就成口油, 我唔中意啊。
除左蛋沙律, 我地仲叫左個海薩沙律, 個木碗超勁大啊, 菜同煙肉好好味,
而且沙律醬夠多, 唔會1D有沙律醬, 1D又冇, 呢個我覺得可以番兜啊 (笑)。
又一失敗ORDER, 炸尤魚鬚, 又係油到爆炸,
你地睇相都睇得到有幾油啦, 冇下次。
講真, 除左咖哩飯, 真係冇咩選擇, 叫多個章魚小丸子,
umm....都係一般般啦, 唔係話好好味囉。
最後叫多個puff試下. 吉士醬好味, 唔太甜,
同平時喺bread & papa's買返屋企食既一樣。
呢間 IZUMI CURRY, 我覺得可以俾多D選擇食客, 因為MENU選擇比較少,
炸物可以諗諗點樣少D油, 總括黎講, 呢間店環境很好, 消費唔洗好高,
又可以任坐任傾, 我地4個人埋單都係400幾蚊,
每人消費around $120-150(因為選擇太少, order得唔多)
♥ Thanks for reading ♥
Connect with me for more update :
Connect with me for more update :
沒有留言:
發佈留言