2014-03-11

(食) 汁濃雞滑的一品雞煲

入秋冬時, 食蛇、火鍋、雞煲又點少得吖,
我本身都好中意食野, 冬天會經常打邊爐,
打邊爐喺屋企成日會打,
不過想食雞煲就多數出去食啦, 唔想搞太多野嘛。
 
 
講到雞煲, 我好中意食一品雞煲,
貪佢雞肉嫩滑, 而且岩哂重口味既我,
因為佢整D雞個醬汁真係好濃, 有好多洋蔥、芫茜、
大蔥、蒜等等, 好有咸香味。
 
 
一品雞煲最衰就係成日要排隊等位, 係等好耐果種,
所以我唔係咁中意, 不過有朋友去攞位先又唔同 XDDD
其實一品我都食過好多次架啦, 今次叫左2個煲,
一個小辣, 一個中辣, 老實講, 中辣真係香口好多,
果種辣又未到噴火, 但足夠令我流汗,
我個胃唔係太好, 所以小辣為我而設 (笑)。

 
食哂D雞就加湯, 開始邊爐大作戰, 叫左少少野,
有墨魚滑, 好味啊, 夠彈牙, 而且真係有墨魚味 XDDD,
另外有炸魚片頭, 呢個都算幾好, 冇話有油益味,
又冇林PAT PAT, 可以番兜既。

 
朋友中意食魚, 叫左鲩魚片, 我就唔識欣賞,
我覺得好似好硬咁, 又有D魚腥味。
(P.S. 我自己唔太喜歡魚既)

 
仲有雲吞, 皮有點厚, 蝦肉細細的唔夠份量啊。
響鈴真係好鬆化, 真係放湯3秒拎上黎食最正。

 
大蜆就真係把鬼啦, 肉係大大地, 不過冇鮮味,
仲有沙送埋入口添 >< 

 
手切肥牛唔錯啊, 肉質夠林夠滑,
可惜牛味唔夠喔。

 
仲有我至愛既芋頭片, 冇話咩特別,
但佢冇炸到乾哂, 我之前食過第2間既,
真係乾哂, 浸湯好耐又唔林, 唔好講話夠粉吖。 

 
 
  Thanks for reading
 
 
Find me for more update : 
Blogspot   She Blog 
Fan Page   Facebook


 

沒有留言:

發佈留言