♥ Chris.C Makeup Artistry ♥

2015-10-08

唯獨這晚唔多人 @ 茶木

其實喺馬鞍山搵食唔算話超多選擇，不過近期的確多左少少食店揀下，
今次就試下新港城中心新開既呢間茶木啦！
唔明點解長期見佢都排隊，好幾次想食都放棄，
今次醒目早d去，哈哈...算快啦，等左15分鐘可入座啦！
店內環境都幾開揚，坐得算係ok，不過檯與檯之間太近，
傾計隔離檯聽得好清楚(爆)。

照舊叫左個香辣牛肉麵，呢間店好味d喎，個湯好濃郁，
牛肉好林好入味，有d入口即溶既感覺，
個麵雖然厚厚地但好有咬口，煙煙unun的，
唔好以為咁細碗會唔夠飽，其實個麵條好有飽腹感架。

肉燥腸仔飯，點解叫呢個? 因為貪心囉...一碟入面滿足我3個願望，
有肉燥、台式腸仔、薰蛋，3樣餸見到都開心d啦！
不過肉燥多返dd好就好啦！其實我好中意有汁撈飯。
今次我醒啦，快d食腸仔，因為凍左d肥膏出哂黎，
見到都唔想食㗎 haha..個薰蛋我中意囉，
糖心得黎加埋d醬油味，好好味喎。

另外仲叫左鹽酥大花枝，雖然係好熱好新鮮炸出黎，
但鹽酥味唔香唔夠咸，粉感有d重之餘，個花枝似擦子膠，
咬到牙都甩，哈哈！

飲品有玫瑰荔枝綠茶少甜，呢個玫瑰同荔枝都幾出味，
唔會荔枝搶左玫瑰，或者玫瑰搶左荔枝，好清新。
另一杯係香橙百果梳打，呢杯比較刺激味蕾，百果味好勁，
梳打泡泡直達喉嚨，不過偏甜，下次一定叫少甜。

♥ Thanks for reading ♥

Find me for more update :

♥ Blogspot ♥ She Blog ♥ Beauty Exchange

♥ theZtyle ♥♥ Qooza Beauty ♥ Youtube Channel♥

♥ Fan Page ♥ Facebook ♥ Instagram ♥

Email : chrisc.makeup@ymail.com

自主 order 鉄板和牛 @ Metal Steak

日本好流行立食，呢個立食文化吹左黎香港呀！

講緊既係位於中環半山既扒房「Metal Steak」。

雖然話係立食，但都有高櫈可以坐既，你鐘意既話可以企的 (笑)。

一入到店內已被濃濃既燒肉味吸引住，

喺門口位置店員會為客人介紹每款牛/豬，價錢亦有不同，

並且以每克計算，由200克起計，女仔多數200-250克就夠，

男仔大約300-450克啦！睇下有幾大食囉 (爆)。

怕唔夠飽可以加$30，有湯、飯 & 沙律，亦可加錢叫埋飲品添。

order時喺門口有個窗口仔，只要同店員講要咩牛 & 重量，

要幾多成熟，要否跟餐等。店員會即時切割塊牛，

之後有張單去俾錢，俾完錢就可以搵位坐，

店員會送餐的，唔洗自己攞架。

店內有2層，全部都有高檯同櫈，

檯上放滿調味醬汁俾客人自己選擇，餐具都係喺檯面，

牆上有膠圍裙，係好鬼自助架。

今晚我地2個女仔食，心大心細想食佐賀A4和牛/安格斯牛，

又想試下黑毛豬，唉...選擇困難症又發作，

最後叫左200克佐賀A4和牛西冷，

同埋200克黑毛豬 (其中一個跟餐)。

鉄板上叫左3成熟就夠啦，黎到已經5成，岩岩好，

上檯果陣燒烤味香到呢...而鉄板上既配菜有粟米、洋蔥、露筍等。

西冷肉質頗嫩，燒過後仍然保留住肉汁，入口有點溶化既感覺，

但仍然係有咬口的，個人比較中意A4多過A5，

因為冇咁油膩冇咁漏，多食都唔覺膩。

多心既我仲叫左西班牙黑毛豬，店員建議3成熟，

我地仲跟左餐添。雖然係3成熟，鉄板上到黎仍然見到粉紅色，

但切好後已經岩岩好熟了。

3成...真係3成就夠，唔洗怕唔熟，靚靚黑毛豬最好係3至5成熟最好味，

咁先保存住肉汁，肉質軟腍嫩滑，唔會食到鞋口鞋面 (爆)，

配埋檯上既黑醋汁，可帶出橡果果香添。

整體黎講今次係好新既體驗，多數喺日本先會咁樣order同立食，

喺香港比較少有喔，同埋好有新鮮感囉，想食幾多就order幾多，

全部自己話事，且店員服務細心，好nice啊！

♥ Thanks for reading ♥

Find me for more update :

♥ Blogspot ♥ She Blog ♥ Beauty Exchange

♥ theZtyle ♥♥ Qooza Beauty ♥ Youtube Channel♥

♥ Fan Page ♥ Facebook ♥ Instagram ♥

Email : chrisc.makeup@ymail.com

初試JetPeel來個皮膚大掃除＠ Dr.White

一向以來都比較注重肌膚護理，每星期都有做深層清潔，

亦定期自家煥膚好讓每個毛孔不被堵塞，

使保養品更易被肌膚吸收。

不過，當我接觸了Dr.White這個療程後，

發覺皮膚就算怎樣自家打理，都不一定很清潔嚕。

好啦，先介紹一下Dr.White吧。

Dr.White是一間多元化的醫學美容診所，

專門提供皮膚護理、醫學美容或手術，

內設高度空氣淨化系統及科技儀器，

讓客人享受一站式服務。

來到Dr.White，當然是先了解自己皮膚狀況啦，

首先聽聽專業美容顧問分析，然後為我選擇適當的療程嚕。

選好了療程後就進入房間等待美容師，

每位客人都有獨立房間，乾淨又舒服，私隱度高。

由於我的皮膚很易敏感，所以今次放棄了激光療程，

做一個溫和得來又深層清潔的療程《JetPeel》，

幫皮膚來個大掃除（笑）。

JetPeel是什麼喇？ JetPeel是利用強壓氧，

將水溶營養液和氧同形成顆粒型水珠，

轉化為微細分子 (5-200vm微米)以噴霧 (Jet Spray)，

用每秒200m的超音速速度，由特設而成的噴咀噴出，

將營養液和100％純氧穿透皮膚毛孔及裂紋，

由表層直達真皮層，刺激真皮層纖維組織再生。

整個過程無痛，亦無不適，美容師亦很細心，

我 feel 到噴出來的水分子很細，很像噴霧，

有冰冰涼涼的感覺，好舒服，

好似洗街一樣把我皮膚的垃圾清掉一樣。

噴完全面後馬上敷一個超保濕面膜，

不要浪費這黃金吸收時間嘛。

療程只需一小時，做完之後我照一照鏡，

真的有嚇到，我 T ZONE的毛孔細了很多，

平日看到很會生氣的黑頭清了很多呢，

皮膚白淨剔透，變得水嫩有光澤了，

不用針清，沒痛楚的情況下有這效果確實很讚。

之後底妝都不用化，只是畫眉及眼妝，

塗一下唇膏就可出去跟朋友食飯啦。

如果想跟我同樣做個肌膚大掃除，可致電Dr.White預約，

預約時說明是Chris Cheung介紹可享額外折扣優惠喔！

想了解更多Dr.White美容療程可到：

http://www.drwhiteskin.com/

♥ Thanks for reading ♥

Find me for more update :

♥ Blogspot ♥ She Blog ♥ Beauty Exchange

♥ theZtyle ♥♥ Qooza Beauty ♥ Youtube Channel♥

♥ Fan Page ♥ Facebook ♥ Instagram ♥

Email : chrisc.makeup@ymail.com

2015-10-04

服務很好，但個汁要改改＠ OUTDARK

一直都有朋友同我講outdark既芝士排骨、芝士辣雞咁，
我一直都好想試下，睇下有幾咁好食，點解成日要排隊呢！
好啦...呢一日，我呢個自由身6點幾去到，唔洗等，
早d入去早d食嘛。一開lift門，嘩...2個世界，店內好黑啊！
突然間有d夜盲症發作，不過好快冇事 (笑)。
店內坐位都算舒適，由於時間尚早，店內客人唔多，
所以唔算嘈，後尾人多就嘈啦，不過我已經食到尾聲要走，哈哈！

好啦！一場黎到一定要食芝士排骨/雞，
我地2個人叫左芝士辣雞(小辣)，等左15分鐘左右就黎啦！
嘩...賣相好得，排得好靚吖。中間有芝士、辣雞、洋蔥、
青紅椒、粟米，仲有年糕添，旁邊有2球好似蕃薯既物體，
有點乾，麻麻地，仲有牛油粟米，芝士蛋漿咁樣啦！
不過呢d配角可以唔洗理，非常普通。

叫呢盤雞仲可免費加年糕串、野菜沙律或飯團，
由於我地唔知盤雞入面有年糕，所以加左年糕串 XDD, 早知要飯團啦！
講返個芝士雞先，umm...首先小辣個汁食食下都幾辣，但接受到的，
不過個汁真係好甜，第一啖食時只食到甜味同辣味，
完全蓋過左芝士既味，雞肉有炸過，不過唔會話乾，
細細粒一啖一口都幾好。食之前店員會黎serve我地，
準備好哂我地動動筷子就食得，服務周到的。
不過如果個汁冇咁甜應該會加返分，
真係甜到食唔到一半要停手，希望有改善啦！