點解次次都咁多人㗎，都唔係第一次食goobne了，
事隔幾個月又身痕想食炸雞，
諗住6:30到應該唔會太多人，
點知……哈哈！
今次我地3個人黎食，其中2個都幾擦得㗎，
於是呢就叫左3樣野啦！其中一樣當然係烤雞啦 （笑），
上次我都係食韓式烤雞$160，佢係非油炸的，
心理上覺得健康好多，冇油淋淋唔洗食到成口油。
烤雞外皮酥脆帶少少辣味，最愛當然係塊雞皮啦，
脆到好似食薯片咁，雞肉亦唔會過份烤焗而變得乾身，
依然juicy，雞胸唔算吖，點都會有啲乾吖 （爆），
仲有2款醬俾你點，甜酸辣醬 ＆ 芝士醬，但我就中意食原味多啲啦。
另外就一定要叫我至愛的芝士炒年糕$148，
嘩……甜甜辣辣，加埋大大pat芝士，
麵、年糕、魚糕都沾滿哂呢啲汁，越食越辣，
流汗指數即時提升，不過真係要趁熱食，
凍左芝士會變硬身，就會冇咁好食㗎啦。
BBQ醬燒豬肋骨$188，呢個有驚喜，
豬肋骨啲肉做到好稔好柔軟，完全唔洗死扯爛扯啲肉，
自己啲牙亦唔洗冒險，真係冇牙都食到呀。加埋芝士同辣醬汁，
冇得頂啊！平時只食到一件嘅我，都忍唔住吔左2件（爆）
食咁濃味嘅野當然要飲凍野啦，仲戒乜野口吖，
整杯柚子沙冰 $58 降降火先，第一啖甜左啲，有少少苦澀，
正常嘅，西柚係有少少澀澀地嘅，放放下啲冰溶左啲又冇咁甜了。
Shark blood Rita (non alcohol) $78，呢杯真係甜左啲，
對於平日飲乜都要少甜嘅我真係飲唔到，
不過賣相真係好吸引，好搞鬼嘅 （笑）
呢杯somersby apple rita $88 就好好味啦，
雖然有酒精，但溝埋啲冰後，酒精味淡左就剛好啦，
厄女仔就飲呢個啦，蘋果汁咁樣啊……易入口啊！哈哈哈哈 ……
不過女仔飲野唔多，一杯好勉強先飲得哂囉。
沒有留言:
發佈留言