之前想食炒雪糕可能要去泰國、日本等地方先食到，
而家好方便吖，香港都有啦！
呢一晚我地3個女仔食飽飽轉場，係呀...落大雨轉場啊！
去左Holly Brown K11店，店仔細細已經迫爆人啦！
唔好講咁多，馬上搵位揀雪糕先(笑)。
相反我就唔太中意朱古力味，但如果係唔苦既話我都接受到的。
店內既gelato有20幾款咁多，有選擇困難症既朋友要小心喔。
今次我地揀左Oh Fudge & Berry Overload。
Order好之後店員會將雪糕同材料喺零下18-20度既雲石板到炒，
再放入窩夫杯上。
brownies & 朱古力醬，喜歡朱古力既朋友必試，朱古力味非常濃厚，
我覺得唔算苦，但偏甜，都可接受到，不過我食得唔多(爆)。
酸酸既莓味，配上甜甜既雪糕，甜度剛好，我都幾中意啊！
不過個窩夫杯就林左，如果keep到每個窩夫杯都脆脆就更好了。
愛gelato意式雪糕，因為脂肪比一般雪糕少，加上炒過既雪糕黏度會多d，
食落口感層次亦比較豐富d囉。
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
♥ theZtyle ♥♥ Qooza Beauty ♥ Youtube Channel♥
沒有留言:
發佈留言