我對「八寶小廚」說不, 永冇下次

 雞煲就食得多啦, 鵝煲我就第一次食了,

其實食之前我都估到鵝煲既鵝應該唔多好味,

一定會好"鞋", 不過朋友們都想試下就試下啦,

我ORDER之前都有講怕D肉好"鞋"架 (爆爆爆)。 

 

講緊係邊到既鵝煲呢? 就係喺旺角既八寶小廚啦 !

相信有朋友聽過呢間野啦, 有人仲講到佢好好味添,

不過, 今次真係唔好意思啦, 我讚唔落口啊 !

3個女生食野唔多, 講真, 好彩叫個例牌試下咋 ><

 

其實鵝煲個味道係唔差既, 不過D鵝肉真係好老好"鞋",

我地幾個好似「無牙婆」咁啜下啜下D汁,

講到D肉啦喎, 真係把鬼, 儘管我大力用牙撕開D肉,

都係撕唔開, 唯有啜下D味當食左囉。

 

跟手要話佢既響鈴, 嘩...衰到呢, 好厚好UN,

1D都唔鬆化, 人地出面果D浸幾下個湯就食得,

呢到就唔得啦, 我地唯有當佢係腐竹咁煮林佢先食啦 !

(下圖浮面就係所謂既響鈴啦)

 

 

真的好感恩, 鵝肉、響鈴唔好食, 都有墨魚滑入到口,

仲有碟肥牛都OK既, 價錢唔平但牛味唔夠,

整體都叫做林同滑既, 算好彩啦。

 

 

最後叫多個皇帝菜就喺八寶小廚畫上「不完美的句號」。

 

仲有一樣野想講, 佢地座位坐得勁唔舒服, D櫈好硬,

人少少就頻頻漏單,  我地個鵝煲就叫左40分鐘先到,

期間追極冇人理, 呢間野我BLACK LIST佢, 唔再幫襯 (怒)。

 

 

♥ Thanks for reading ♥

Find me for more update :

♥ Blogspot  ♥ She Blog  ♥

♥ theZtyle ♥ Qooza Beauty ♥ Youtube Channel ♥

♥ Fan Page  ♥ Facebook ♥

Email : chrisc.makeup@ymail.com

 

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約。