2017-03-07

老香港中式甜品 @ 源記甜品專家

香港人太幸福多新野試啦!最近天氣凍都會想食熱嘅甜品,
今次就黎到西環源記,老字號喎,聽講日頭冇乜人,
但夜晚就排哂隊,不過我地呢晚就唔洗排,
喺門口見到雞蛋糕,
好想快啲食到囉 (雖然明知冇咩特別)笑~


入到店好有懷舊feel,覺得自己走左去拍70年代片嘅場景,
睇到上左年紀嘅伯伯食糖水,又幻想下佢後生係點嘅樣,
有幾高大靚仔,sorry~離左題添(爆)
再望望menu有乜好食,其實我未食過桑寄生蓮子茶,
總覺得係唔好味,一直都冇衝動去試,今次都唔例外(笑)


第一件事一定一定係雞蛋糕啦!
其實真係冇咩特別,又唔係特別好味,
但食到一陣陣童年味道,以前舊式餅店果啲清蛋糕嘅味道,
清甜有蛋香,蛋糕比較粗糙唔係滑果種,
雖然乾乾地,但傾下講下就食哂 *\(^o^)/*


另外就叫左芝麻糊 & 紅豆沙,芝麻味唔係特別出,
但勝在夠滑 & 無澀口嘅感覺,紅豆沙比較少渣(即係冇乜料),
偏水狀冇乜起沙(爆),味道比較淡,唔係幾夠味。


香港人要幫手保衛香港老店,
等我地嘅下一代都有份品嚐到古代滋味(笑)
行開西環都間去幫襯下啦!

 Thanks for reading    
    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥



沒有留言:

發佈留言