2017-03-06

尖咀親民日式午餐之選 @ 德美壽司

無業遊民間中都會喺放飯時間外出搵食,
呢一日約左朋友喺尖咀見面食個quick lunch,
唔想太heavy因為聖誕期間食太多野(笑)
最後決定試下呢間平民日式午餐,
上網睇食評都覺得可以試,結果係點? 睇埋下面先啦 (*^ω^*)


餐牌入面有好多set lunch,有魚生、壽司set之外,
都有好幾款熱食選擇㗎。每個set都例牌有沙律、
麵豉湯、茶碗蒸,幾十蚊有咁多野食都算抵吖,
而且我要讚一下個薯蓉沙律,入面有煙肉我好中意囉 (^▽^)


我同朋友叫左銀鱈魚西京燒 & 鰻魚飯set share食,
講真我勁耐冇食鰻魚,因為喺香港越食越覺得唔好食,
硬係有啲腥味(我係少食魚人士,原因: 怕腥),
呢個鰻魚入口唔算係有腥味啦,而且好軟好林,
有丁點碎骨仔,個汁再甜多少少更好。


而銀鱈魚都唔洗點講啦!基本上好難整得難食,
我就係貪鱈魚一點腥味都冇,所以好多時都會揀銀鱈魚食,
好軟林林,滑dodo嘅口感,充滿住油脂肉汁,好味喔!


總括黎講,喺尖咀100蚊唔洗就有一個set都算抵食吖,
但坐得比較迫唔係太舒服,可能係lunch繁忙時間,
職員都忙到頭暈所以面口有點。。。哈哈,
其他野都係okay的(笑)

 Thanks for reading    
    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥


沒有留言:

發佈留言