讓肌膚更滋潤保濕的親民補品 x L'Oréal Paris 水清新葡萄籽面膜精華水

最近天氣反覆無常，時冷時熱、時而乾燥時而潮濕，

肌膚顯得超不適應，害我長了好幾粒痘痘又敏感 （怒）。

要知道紫外線、 電子輻射、夜生活、

乾燥都是令肌膚「氧化」的 4 大成因。

 
抗氧化除了可在揀選護膚品著手外，飲食都很重要喔！
平日我會多吃蕃茄、藍莓、綠茶等，
從而吸收天然的抗氧化劑。

這些天氣下，塗保養品不適宜太潤，

最重要反而是做好保濕，令肌膚水油平衡。

 最近我都塗一些輕薄的保養品為主，但call了支援到來，

它就是L'Oréal Paris 水清新葡萄籽面膜精華水， 

水清新葡萄籽面膜精華水就能對抗以上種種問題。

 

 

 

 

法國葡萄籽對肌膚有多好？

它含有珍貴葡萄多酚，擁有強大50倍抗氧化能力，

有助加強肌膚防禦， 改善肌膚氧化帶來的乾燥暗沉，

讓肌膚鮮活， 亮澤富有彈性。
 

 

 

一瓶＝三種用途 ：化妝水、 保濕面膜及保濕水。

含法國葡萄精萃、 雙重透明質酸微囊科技及

法國孚日山SPA礦泉水為成份，保濕 + 活膚 + 柔膚同時擁有，

且價格親民 ＄129／175ml

 

 

  精華水的質地比較濃稠，屬於滋潤型化妝水，

有淡淡清香，很易推開及被皮膚吸收，

乾肌女又一更好選擇了。
 

 

 

平日只要潔面後，倒於化妝棉輕抹全面及頸部，

輕輕鬆鬆把軟化的角質死皮抹走。


 

 

又或是直接將精華水倒於掌心，

輕力拍打於面及頸至皮膚吸收，增加血液循環。

 

 
 

如果有更多時間，我會選擇把它當成lotion mask濕敷10－20分鐘，

即是為肌膚泵爆水份，令肌膚更柔軟細緻。

 

 L'Oréal Paris 水清新葡萄籽面膜精華水品質十分好，

能瞬間滋潤肌膚 ，同時令肌膚變得細緻有彈性，

價格親民，就算豪用就不會肉痛。

皮膚太過乾燥要急救，敷上短短10分鐘，

會令你有驚喜喔，上妝超貼及細緻呢。





最後為大家分享因為氧化而引起的乾燥問題:
http://www.youtube.com/watch?v=rLy6ZuaOQm8 

 

「產品試用由L’Oreal Paris提供」 

 

 官網參考:

http://antiox.loreal-paris.com.hk/

https://www.facebook.com/lorealparishongkong/?fref=ts

 

 

♥ Thanks for reading ♥   

 

   Find me for more update :

 ♥ Blogspot  ♥   She Blog ♥ Beauty Exchange  
♥ theZtyle ♥♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥

Email : chrisc.makeup@ymail.com 

街坊意大利餐 @ M3 Italian

終於黎到一年一度嘅飯聚，今晚我係主角，

而被揀中嘅餐廳係M3 Italian，估唔到都算近我屋企，

搭幾個過站馬鉄就到，食飽返屋企慳唔少時間囉 （笑）

 

餐前黎幾個香草包，umm...ok啦，冇咩特別，

普普通通點下醋同olive oil都ok嘅。
 

 

       

前菜先黎個大蝦芒果沙律 $118，個啲蝦有點假，

人工制的爽彈口感，好怪，芒果都算甜，可以啦！

 

Parma ham配蜜瓜 $88，ham唔夠咸香，偏淡口，

蜜瓜又唔甜，但以價錢唔貴黎講就不能要求太多啦 😂

 

朋友叫嘅南瓜湯，看似好濃，但我冇試味就唔評論啦，

不過朋友拋下一句「還可以啦」咁樣喎（笑）

 

       

      另外我想講佢地drink list for唔飲酒嘅人黎講選擇太少啦，

我有一個朋友飲酒就叫左杯house wine，

而我就揀左好耐好耐先勉強叫杯青蘋果汁，

另外2位朋友揀唔到選擇飲水（大爆），

青蘋果汁唔多講啦，一般鮮榨果種味道囉 haha

 

炸什錦三色 $98，有薯角，大蝦，雞翼，3樣都唔錯，

最好味係炸蝦，唔油膩又脆，粉醬唔厚，雞翼就好重香茅味啦。

 

呢個咩咩蟹肉意大利飯 $168， 份量都幾細，

4個人每人兩匙羹，飽唔親，餓唔死，

鮮蕃茄醬令蟹肉嘅鮮味提昇，意大利飯唔會死硬，

軟硬適中，唔錯吖。

 

加拿大海膽配菠菜忌廉汁 $148， 完全冇菠菜味道，

不過都算creamy，個汁都平均分佈喺每條意粉到，

而個海膽都算質素唔差，但我覺得no.5好味啲。

 

四色芝士薄餅 $138，入面有車打、水牛、藍芝士 ＆ camembert，

嘩……不得了，芝士控一定要食，絕對推介，唔洗怕肥，

大啖大啖咬落去再拉絲，上天堂啦喂，好好味。

 

甜品方面好多人話佢嘅心太軟好味，我就話一般啦！

唔太流心之餘朱古力味偏淡，不過旁邊嘅vanilia 雪糕可幫到佢一把，

變得好味少少。

 

相反tiramisu 好味好多，芝士味唔會俾咖啡粉蓋過左，

而且打得個cream好滑，一個人都食得哂唔會膩。

          

♥ Thanks for reading ♥   

 

   Find me for more update :

 ♥ Blogspot  ♥   She Blog ♥ Beauty Exchange  
♥ theZtyle ♥♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥

Email : chrisc.makeup@ymail.com 

       

有芝麻葉嘅韓燒 @ 石牆道

係啊，又係韓燒。。。點解差唔多個個星期都食但係唔厭嘅呢？

今次揀左尖咀一間叫石牆道，聽聞好地道㗎喎，一齊去試試先。 

      

 

order左之店員就快馬放上餐前小碟，有幾多碟你地自己數下啦，

但我印象中係有重覆嘅（大爆）

 

食烤肉前先黎一碟韓式煎餃子 $130，的確同你係超市買到既係一樣，

都係煎到金黃色點少少醬汁已經好好味，

佢真係煎到外脆內軟而keep得住肉汁，好嘢。

 

調味牛肋骨肉排 $260，比平時食到嘅烤肉醃得淡口啲，

反而食到牛嘅味道，口感軟滑細緻，推介。

 

係啊，平時食韓燒嘅菜入面多數冇芝麻葉，呢到有啊！

夾埋啲肉一齊食真係好香，我覺得夾豬腩肉好正啊！

 

另外仲叫左蜂巢五花腩 $130， 點解叫蜂巢?

因為佢塊肉到輕輕切左一格格，相信係得塊肉快啲熟，

唔會燒到外面乾哂入面都未熟啦。

 

嘩，齋睇係咪有啲餓呢？我而家睇返啲相都好想再食啊！

記得要夾埋芝麻葉食喎，續味好多架。

 

就算唔夾芝麻葉都可以發揮你無窮嘅創意，好似我咁，

燒香左啲蒜片加上豆醬，一樣好味吖。

 

最後叫左海鮮手切麵 $130， omg...好腥啊大佬，

雖然佢用左好多胡椒去掩蓋呢陣腥味，但唔成功啊！

我飲左啖湯，食左啖麵就放棄左啦！

如果繼續食我諗要call白車啦 （大爆）

 

最後埋單有杯薑汁薏米水，嘩。。。出奇地好飲，

好清甜，薏米當中有好淡薑味，我中意啊！

飲埋朋友果杯添啊 （笑）

 

♥ Thanks for reading ♥   

 

   Find me for more update :

 ♥ Blogspot  ♥   She Blog ♥ Beauty Exchange  
♥ theZtyle ♥♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥

Email : chrisc.makeup@ymail.com 

（活動）LANCÔME 花瓣美肌春妝指導坊

 早前得到邀請出席LANCÔME x Cosmopolitan 「花瓣美肌春妝指導坊」

真的好興奮呀，又可以試新品，今次到底是乜東東？

 

今次主要是介紹全新 BLANC EXPERT美白概念 ，

「輕‧透‧光」花瓣美肌

 

 

登～登～ 全新瞬白無瑕氣墊粉底 SPF50+/PA+++

《一種輕盈享受‧兩種亮澤妝效 》

 

還有cushion blush啊，實不相暪，

平日我很少用cushion compact，因為好易出油溶妝，

且會變灰 ＆ 遮瑕度偏低，

今次真的好期待的去試試看。

 

 

 

指導坊內已準備好一系列落妝潔面、護膚產品，

當然唔少得是主角cushion compact啦。

 

 

一開始由LANCÔME首席化妝師 Tanya介紹今季春妝潮流，

再指導我們由落妝潔面、以至護膚程序，

好彩我平日的步驟都差不多 （笑）

 

 

LANCÔME 的產品我用得不少，可以說是小粉絲，

不得不提的是眼唇卸妝油，不澀眼勁好用，

還有防曬霜都是乾肌的好朋友呀。 

 

 

 

說到肌膚護理中我最著重的應該是眼周肌膚護理啦，

要知道細紋、皺紋出來後真的一發不可收拾，

特別是我這踏進四年級的中年婦，一定要好好照顧。

 

 

一提到眼霜，我就想起小黑瓶，已用了好多罐啦，

不油不膩又可改善眼部肌膚問題，大愛。

之前用的「碌碌頭」已改良了，

更易控制碌得更舒服。

 

 

落好妝、塗完保養品就入正題啦，

今次主角「全新瞬白無瑕氣墊粉底 SPF50+/PA+++」＄390

 針對改善膚色暗啞不均情況，在上底妝後然有效改善色斑、

減少泛紅及強化肌膚。

 

 

 

 

一共有4色選擇，我自己皮膚比較易紅，

所以BO－01就岩我啦，偏黃tone有效改善泛紅問題，

令膚色更均勻亮澤。

 

 

全新氣墊採用雙層結構設計，上層有六角保護濾網，

確保每 次粉底用量適中，份量準確；

下層以螺旋纖維技術保持粉底 液長期處於最高密度、

最均勻狀態，打造如花瓣般粉嫩絨滑 的細緻妝容。

 

 

粉撲觸感細緻，一拍一抹，

每次使用份量都能輕易掌握，

要輕輕按壓，不要拖拉粉撲，否則會一噠噠啊。

粉底液擁有 SPF50+/PA+++ 的高度防曬效果，

同時以細緻而 高質素的調色粒子及光彩粒子，

調配適合不同膚色的肌膚，令遮瑕效果更完美。

 

 

 

除了cushion compact之外，還有cushion blush，

細滑輕盈的質感，亮麗自然的顏色，

正好迎接今個春季來臨，2個顏色都超美，

選擇困難症的我要怎麼辦 ？ （笑） 

 

 

 

而今季流行的宿醉妝感，你又學會了沒？

主要是將胭脂塗於權骨對上、眼底下那位置，

營造日系可愛感都很不錯呢，快快試試看啦，好美啊。

 

 

最後Tanya很好啊，教大家平日化妝遇到的問題，

相信是眉及眼線吧，這一課真的獲益良多啊。

 

 

最後大家當然是要活學活用，將Tanya教的tips好好記起來，

馬上化個美美春妝啦，有不明白亦可隨時發問呢。

眼影、唇膏顏色都是超美，好喜歡紫色那盒喔。

 

 

就這樣2小時指導坊就完結了，很好玩，又學到新化妝資訊（讚）

大會還送了一盒cushion compact給我回家試真一下，

謝謝LANCÔME  ＆ Cosmopolitan 邀請。 

 

 

 

回家第2天急不及待拿出新玩具來自high一下，

塗完後即時形成輕透無重的薄膜，

打造全日勻淨妝容，透亮白晢肌隨時擁有。 

噢，早上塗了這個到黃昏時間鼻翼才冒點小油，

但情況並不嚴重，絕對可以接受。

 

 

 

以cushion compact來說遮瑕度算是中高，

在沒有使用concealer的情況下，於眼底、鼻翼位置，

多塗抹2遍，基本上黑色素、紅印都能輕鬆遮蓋。

其高效修護，注入抗污染及抗炎症成分，化妝同時護膚。

 

 

 

出門只需10分鐘，底妝、眼妝、唇妝一一搞定，

輕輕鬆鬆就出門，完全沒有負擔，

而且差不多一整天不用補妝，

以cushion compact來說真的令我又驚又喜，

之前不愛用cushion的我要改觀了。

 

 

「產品由品牌提供試用」

 

Website : www.lancome.com.hk

Facebook : www.facebook.com/lancomehk

Instagram : lancomehk

 

♥ Thanks for reading ♥   

 

   Find me for more update :

 ♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥

Email : chrisc.makeup@ymail.com