2016-05-31

去尖咀叫鴨仔 @ 美中.鴨子

                    
美中.鴨子的相片 - 尖沙咀    
平時成日經過都好想食,但次次見到堅係多人我就打退堂鼓,
不過,今次阻唔到我啦,死就死啦,排左半粒鐘以上先有位啊!
我就睇下你點解咁多人排有幾好食。
 
美中.鴨子的相片 - 尖沙咀

前菜叫左個海蜇頭,好爽好彈,個醋又唔太酸,
不過我覺得酸多少少更好 (笑)
 
美中.鴨子的相片 - 尖沙咀

排緊隊時喺出面望住啲鴨皮,真係好難頂,
有得睇冇得食喎,又鬼咁肚餓,隔住個玻璃好似餓鬼咁樣囉。
 
美中.鴨子的相片 - 尖沙咀

我地叫左一鴨兩食,正啊!我最中意食皮架啦,
雞皮、鴨皮、鵝皮、豬皮都勁中意。如果同北京樓比,
呢到都唔差得過佢㗎,價錢平過北京樓添啦。
 
美中.鴨子的相片 - 尖沙咀

薄餅有少少芝麻粒粒令餅皮更香,
加埋青瓜、蔥 & 醬汁中和下肥膩感,口感更正,
加上塊皮本身又唔係膩,我都食左4-5塊 (笑)
 
美中.鴨子的相片 - 尖沙咀

兩食中嘅第2食就係個鴨湯啦!
講真冇特別,淡淡的似例湯,飲唔出一點鴨味 (爆)
 
美中.鴨子的相片 - 尖沙咀

再叫左個炸豆腐,嘩,外脆內軟,果碟唔知係咩汁,
酸酸地令食得炸野多會膩嘅感覺減少左喎,好味。
 
美中.鴨子的相片 - 尖沙咀

最後唔怕死叫多碟黃金大蝦。。。omg,好大隻蝦好爽好彈,
但陣到有點假啊!太多啦,2個人食唔哂添,
唯冇打包回家消夜啦。
 
美中.鴨子的相片 - 尖沙咀

不得不提呢2杯野,難飲到唔知係咩啦!
一杯好似花茶但好很甜嘅,另一杯真係唔記得啦,
早知飲可樂啦 (爆爆爆)
 
       


♥ Thanks for reading    

    Find me for more update :
 ♥ Blogspot  ♥   She Blog ♥ Beauty Exchange  
 theZtyle ♥ Qooza Beauty ♥  Youtube Channel♥ 
♥ Fan Page  ♥ Facebook ♥ Instagram ♥

沒有留言:

發佈留言