平時成日經過都好想食，但次次見到堅係多人我就打退堂鼓，
不過，今次阻唔到我啦，死就死啦，排左半粒鐘以上先有位啊！
我就睇下你點解咁多人排有幾好食。
前菜叫左個海蜇頭，好爽好彈，個醋又唔太酸，
不過我覺得酸多少少更好 (笑）
排緊隊時喺出面望住啲鴨皮，真係好難頂，
有得睇冇得食喎，又鬼咁肚餓，隔住個玻璃好似餓鬼咁樣囉。
我地叫左一鴨兩食，正啊！我最中意食皮架啦，
雞皮、鴨皮、鵝皮、豬皮都勁中意。如果同北京樓比，
呢到都唔差得過佢㗎，價錢平過北京樓添啦。
薄餅有少少芝麻粒粒令餅皮更香，
加埋青瓜、蔥 & 醬汁中和下肥膩感，口感更正，
加上塊皮本身又唔係膩，我都食左4-5塊 （笑）
兩食中嘅第2食就係個鴨湯啦！
講真冇特別，淡淡的似例湯，飲唔出一點鴨味 （爆）
再叫左個炸豆腐，嘩，外脆內軟，果碟唔知係咩汁，
酸酸地令食得炸野多會膩嘅感覺減少左喎，好味。
最後唔怕死叫多碟黃金大蝦。。。omg，好大隻蝦好爽好彈，
但陣到有點假啊！太多啦，2個人食唔哂添，
唯冇打包回家消夜啦。
不得不提呢2杯野，難飲到唔知係咩啦！
一杯好似花茶但好很甜嘅，另一杯真係唔記得啦，
早知飲可樂啦 （爆爆爆）
♥ Thanks for reading ♥
Find me for more update :
♥ Blogspot ♥ She Blog ♥ Beauty Exchange
♥ theZtyle ♥♥ Qooza Beauty ♥ Youtube Channel♥
Email : chrisc.makeup@ymail.com
沒有留言:
發佈留言