♥ Chris.C Makeup Artistry ♥

2013-06-17

開架 MIX & MATCH ~~~ Collection Cosmetics

早於2-3年前已經聽過Collection這英國品牌,
當時我的一位同事時常oversea網購化妝品, 所以都略知一二啦。
當時看到實物都覺得它們家的妝物好colourful啊 !

最近被邀請出席Collection 2013初夏創意新品的聚會,
大會安排地點是旺角朗豪酒店, 非常方便啊。
一到場, 馬上搜尋擺放得最美的佈景台瘋狂地拍照。

日大會貼心的準備了小點招待大家, 邊吃邊看司儀介紹,
還請了星級化妝師Annie.G及她的徒弟Jan Chan為大家示範2個美美妝容,
(示範的只是Jan, Annie坐著看徒弟表演好了xdddd)

原來Collection已經有2年歷史, 是英國熱賣的化妝品牌, 妝物是非常的色彩繽紛,
鼓勵女生mix & match創造個人風格, 大膽地表達自己。

好啦, Jan為2位model示範, 第一位係化一個夏日淡妝,
我個人中意淡妝啊, Jan講了一些秘訣給大家, 又學到野啦 (笑)
model化妝後氣色好了, 精神百倍, 好charm啊。

之後Jan為第2位model示範一個比較用色多一點的妝容,
著重眼妝部份多一點, 而且畫上了bling bling eyeliner,
整個眼妝非常突出, model展現更美的一面給大家喔。

看完Jan的示範, 就到台下各人盡情試玩檯上多款化妝品啦。
有face primer, 粉底, 碎粉, 眼影, lipcream, lipgloss,
blush, mascara...etc。

bling bling gel liner可作眼影使用, 只要先掃上眼影, 再加少少gel liner輕輕印開,
就會有不一樣的效果, 如果怕閃粉太大顆, 就不要這樣使用好了。

再來介紹一下超貼心的粉底產品, 第一次看到這樣的設計,
打開瓶蓋有一個小鏡子, 還有一個遮瑕膏...omg, 這個我很喜歡呢。
再扭開瓶蓋, 就是粉底了, 輕輕用手指上粉底, 再用大掃推開就會貼薄很多。

另一款有gimick的就是lipgloss, 嘩, 一打開有LED燈耶, 樽身還有小鏡子,
真的很方便去夜店或在燈光不夠的地方補妝, 很好的設計,
不過沒電了怎辦? 唯有買一支新的啦 (笑)。

還有礦物碎粉, 瓶身已有掃, 方便攜帶, 一支搞掂哂, 不過呢, 我覺得個掃有點硬,
刷於臉上有點不舒服, 如果青子能改良一下就好了。

下面3支是lipcream, 有matte的效果, 今年好hit matte lip,
但是用lip cream打造matte lip, 相對地會有點小乾, 易顯唇紋。

cream shadow很易推開印開, 而且有很多顏色選擇, 可以試試秈啊。

還有gel liner, 很特別的藍色 & 金色, 我們試在手背, 之後用濕紙巾抹掉,
居然...很難把它抹掉啊, 相信是蠻持久的吧, 我要親身畫於眼皮上試清楚才對。

mascara & concealer都有, Collection真的有很多種類的妝物, 是超過100件喔。
現在在香港不難找到它的蹤影, 可在各大Watsons & Maple買得到了,
最吸引的是價格親民, 學生哥都可以負擔得起。

有幸得到Jan的出手, 幫我畫咀, 哈哈...我很專心的看著鏡子呢。
原來偏橙的lip cream都好襯我啊, 這個夏天向橙唇出發 xddd

很喜歡跟blogger朋友們一起參與活動, 在活動中看到熟悉的臉孔,
我都會主動say hi...看到我的熱情不要被嚇怕喔 ^

活動後大會送了小禮物給我們回家體驗, 多謝Collection喔 !!!
Collection於2011年衝出英國, 進軍亞洲, 而香港就是第一站啦。

查詢電話 : 2635 5951
網址 : www.collectioncosmetics.com.hk
Facebook : www.facebook.com/CollectionHK

售賣點: 各大Watsons專櫃 & MAPLE專櫃

♥ Thanks for reading ♥

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

Connect with me for more update :

♥ Youtube Channel ♥ Facebook ♥ Yahoo Blog ♥ Weibo

♥ Email : chrisc.makeup@ymail.com

2013-06-14

(影音) Acneless Products Review (對付暗瘡的小分享)

好多人都會生暗瘡, 我都唔例外啊 !

不過試過好多產品, 有d係work, 有d係好唔掂,

今次講下近期我同阿女常用既暗瘡產品,

有敷上臉的、亦有搽上臉的, 希望俾個參考大家啦 !

youtube channel : http://youtu.be/9Ir7iDT2O8o

Gel Plus網上好多朋友介紹, 的確係work啊。

Dr. ci: Labo 撕取式面膜, 會令暗瘡粉刺快d謝, 會快d好啊。

DALACIN T呢支暗瘡水, 有殺菌消炎作用,

令紅紅腫腫暗瘡冇咁痛, 有即時妤媛既功效。

另外一支係暗瘡GEL, 係好溫和既暗瘡產品, 搽左之後粒瘡會冇呾腫,

但唔會令皮膚收得好乾, 係唔錯既選擇啊。

選擇自己合適既暗瘡產品, 要自己親身去試下功效先得啊,

有時我岩用的, 未必你都岩用啊, 祝大家冇哂暗瘡, 人人皮膚都靚靚 (笑)

♥ Thanks for reading ♥

Connect with me for more update :

♥ Blogspot ♥ Youtube Channel ♥

♥ Fan Page ♥ Facebook ♥

Email : chrisc.makeup@ymail.com

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

2013-06-13

馬拉菜 @ CAFE MALACCA

早幾年有去馬來西亞旅行, 發覺當地有好多美食,

記得最深刻既係去食魔鬼魚,
同埋飲拉茶, 仲有肉骨茶同埋串燒等等。

但返到香港之後, 又好少去食馬來西亞菜喎,

今次去到西環老遠,
就係要試下馬來一菜館既地道馬拉菜啦。

打開menu, 其實唔係話好多好多款菜式俾你揀,

但你一定可揀到想點既菜式,馬來西亞我只係識吉隆坡 & 檳城,

馬來一菜館就係以呢兩個地方既口味做主打喔。

天氣咁熱, 梗係黎杯冰凍特飲先啦, 朋友仔點左香茅特飲,
我本身唔中意香茅陣味, 但都喺朋友到痴左一啖試下,
入口清爽有淡淡香茅味, 食味濃既菜式, 飲呢個特飲其實唔錯,
可以中和一下吖嘛 (笑)。

而我自己就點左柑桔特飲, umm...柑桔味的確好濃,

不過真係偏甜左少少, 因為平日我飲凍檸茶都要少甜,

所以習慣左少甜既飲品嚕。

另外仲有薏米水, 好貼心啊, 原來糖水係另上的,

中意咩甜度都可自己控制, 仲有...仲有, 呢個薏米水仲有淡淡既班蘭味,

嘩, 我中意啊 !聽聞薏米有清熱利尿功效, 多飲無妨啦。

好啦, 進入正題啦, 餐前一定要黎個沙律先似樣吖嘛,
我地點左囉惹醬蔬果沙律, 個汁係有特式檳城蝦醬, 有少少辣,

偏咸左d, 味濃左d, 配合芝麻碎更香口。
沙律入面都有好多材料架, 有油條, 蓮霧, 青瓜,

蕃石榴或時令水果, 廚師會揀選當日最好最新鮮既食材入去,

所以唔係次次食都係一樣材料喔。

馬來西亞菜一定要試下檳城炒貴刁啦, 炒貴刁可以睇到廚師功駕,
貴刁有冇炒得好油膩, 醬油有冇沾滿每一條貴刁, 都係突顯師父既功力嘛,
呢一part我可以講廚師做到啊, 食到最後個塊葉都冇咩油架。

呢個貴刁有臘腸, 鮮蝦, 芽菜 + 自家製辣醬, 絕對係風味之選,
帶微辣, 如想加辣都可以, 不過可能味道會變濃 & 咸啊。

檳城亞參叻沙, 係酸酸辣辣的魚湯米線, 入面仲有菠蘿,

薄荷, 青瓜, 蔥頭, 薑花作配搭,湯中有魚肉, 唔覺得腥,

不過魚肉就欠缺左魚既鮮味, 個湯味濃, 但少D咸會好好多。

檳城湯河, 係用新鮮鴨肉煮成湯, 鮮味一流,

清甜既湯剛好中和一下之前食過味濃既菜式,
魚蛋係由檳城直接空運到HK, 湯河入面仲有魚片,

鴨絲, 豬紅 & 香蒜, 清清地夏天食都幾好啊。

馬拉盞少羊角豆, 呢一味我好中意啊, 係用辣椒, 蝦醬炒既,

好香好好味,羊角豆唔會炒到太林, 岩岩好,

仲好入味添, LIKE啊 !!!

話咁快, 大家進入甜品領域啦 !

香蘭椰絲卷, 有班蘭味既PANCAKE皮, 包住棕櫚糖 & 椰絲,
食一件唔覺好甜, 但第2件就會開始漏啦,

同幾個朋友SHARE食就冇問題,
不過呢...我中意淨係食塊皮, 我真心覺得煎得好香,

班蘭味正啊。

西米布甸, 有大大粒西米, 配以椰漿 & 棕櫚糖, d西米係冇味既,
配合棕櫚糖 & 椰漿岩岩好, 唔會太甜, 淨

飲D汁會TASTE到好勁既棕櫚糖甜香,
呢個我覺得好有馬來西亞甜品風味啊,

好似去左馬來西亞街頭小店食既甜品咁呀。

最後就係咖央多士, 薄薄又脆既多士, 搽左牛油 & 班蘭味椰子醬,
我平時唔多欣賞咖央多士, 但呢一件我中意囉, 陣味好香,

有好清甜椰子味,唔係香港平時食到既咖央醬口味,

同平時去深水埗食果d絕對唔會係一樣架噃。

呢一餐就係以咖央多士做終結, 如果大家想食馬來西亞菜,

可以試下馬來一菜館, 環境舒服唔嘈,

我去既時候係lunch, 唔知dinner會唔會嘈dd,
不過地點對我呢個新界人黎講就遠左少少,

如果係港島區既朋友就好方便囉。

openrice連結: http://www.openrice.com/restaurant/sr2.htm?shopid=112143

♥ Thanks for reading ♥

Connect with me for more update :

♥ Blogspot ♥ Youtube Channel ♥

♥ Fan Page ♥ Facebook ♥

Email : chrisc.makeup@ymail.com

承接任何新娘化妝,姐妹化妝,宴會化妝,雜誌化妝等。
歡迎 E-mail 查詢/預約 chrisc.makeup@ymail.com

2013-06-12

台灣美食、手信多大家都知吖, 每次自己去台灣或者係朋友去台灣,
都會買好多手信既, 今次我收到老師寄黎俾我既台灣特產,
真係開心屎禾啦, 老師真有我心呢, 多謝哂啊。

睇下有d咩先, 有薑母茶, 杏仁茶同埋太陽餅啊。
呢隻薑母茶同我平時飲開既有d唔同, 佢好鬼濃郁囉,
我第一次飲, 一包沖一杯, 辣到我飛起啊, 飲完成身出汗, 堅啊。
之後醒啦, 一包其實沖到3杯既, 咁樣就冇咁辣而且甜度岩岩好。

杏仁茶入面有好多杏仁碎, 一包可以沖2杯, 好濃既杏仁味,
不過我唔係太中意杏仁茶、杏霜3味道, 所以益左朋友仔, 哈哈。

而太陽餅就同平時食既有少少唔同, 奶酥味冇咁重,
反而個餡有少少酸酸甜甜咁, 都唔錯啊, 好味 ^^