聖誕前再嚐翡翠

聖誕前好多時走左去shopping，都會出街食，

所以唔可以餐餐食咁貴，今次就揀左海港城入面既翡翠，

因為檯多，所以等位唔洗等太耐，我地7：30左右到，

只等左20分鐘就有位。等位期間想快就劃定食咩先，

入座馬上落單，慳返唔少時間（笑）。

 

2個女仔食唔得多野，叫左小籠包，皮薄肉汁多,

但唔夠熱就差d啦，我中意多醋咁食，令到d肉冇咁膩。

 

小食有我勁中意既脆鱔，炸得好脆夠乾身，

餐前小食脆卜卜，大愛啊！不過d汁偏酸，甜味較少，

如果甜味重返d就更好了。

 

本身想叫莧菜，不過賣哂，唯有叫菠菜啦，

豆醬炒菠菜好味，炒得唔油夠熱辣辣，味道剛好又唔太咸。

 

最後有個飽肚d既上海炒年糕，好中意年糕既質感，

煙煙unun咁真係有咬口，醬汁唔會太濃太咸，

混合左少少黃芽白 ＆ 肉絲，唔會太膩。

呢晚叫左4樣野，每人180蚊，算係幾抵食吖。 

 

          

♥ Thanks for reading ♥   

 

 

   Find me for more update :

♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥

 

 

宅在家享受SALON專業秀髮護理

 年尾是婚宴旺季，作為化妝師的我根本沒時間休息，

自問平日都好勤力護理，但忙到顛的情況下別無它選，

我選擇瞓覺，所以有2個月以上沒到salon做焗油護理了，

幸好PR拯救了我，送上這支頭髮神仙水給我急救。

 

 

全新升級版「SP分子導入睡眠髮膜」＄600／ 100ml

這髮膜不是我們平日家用膏狀要沖洗的髮膜，

它是水狀的，質地清爽，不油不膩，很得我歡心。

 

優秀的分子導入技術 RPN (Repair, Nourish, Protect) 配方，

將氨基酸及水解蛋白分子導入至角質層，

從內到外徹底重構髮絲纖維，一 TAKE 過在夜間修復脆弱、

開叉及缺乏光澤等髮絲問題，

朝早醒來髮絲回復輕盈、柔軟、順滑。

 

 

 

用法非常簡單，５分鐘內2 個步驟 ＋免沖洗，

每周使用 1-2次，適合忙碌生活節奏的都市人 （笑）。

 

如常洗髮護髮後，將頭髮抹乾。

 

 

打開瓶口會有一支吸管，上面有2.5ml的份量指示，

將4－5 bump SP 分子導入睡眠髮膜均勻塗放於髮根至髮尾。

 

 

塗抹好後梳理一下髮絲，你會發現平時打結的問題K.O.了，

梳得很順而且沒有因梳理時拉扯而掉很多頭髮，

然後用風筒以熱風把髮絲吹至全乾，使成分與髮絲結合。

 

 

突破性「熱感活躍配方」 ，把髮絲主要養份氨基酸－

丙氨酸及組氨酸在加熱過程中，迅速導 入至髮絲內外，

填補受損髮絲纖維內部的空隙，重構受損髮絲，

沒騙你，有圖有真相，使用前後差別蠻大的喇，

而且這是我用了一之的效果，神速變好了。

 

 

 

產品由品牌提供試用

 

銷售點: www.styleme.com.hk (免運費)

 

查詢電話： 3519 2200

 

 

 

♥ Thanks for reading ♥   

 

 

   Find me for more update :

♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥

 

粉紅粉嫩白滑肌 x Pure Beauty - PINK

 一眾女生都想擁白滑透亮肌膚，正所謂「一白遮三醜」，

而大家都羨慕的更是韓妞肌的光澤感，

所以有好多韓國品牌護膚品都深受大家歡迎。

 

不過有部份韓牌護膚品都令我長痘痘 ＆ 過敏，

因為適合韓國天氣的又不一定適合香港，

今次收到是韓國製造的Pure Beauty，

PINK粉亮肌系列的3大皇牌，

正在Watsons獨家發售喔。

 

 

Pure Beauty － PINK產品均通過皮膚測試，

不含羊脂、酒精及Paraben類防腐劑，

有效深層保濕，亮麗肌膚，用得更安心。

 

 

so fresh清新雙效精華水 ($125.9/ 200ml)

這支精華水質地像啫喱但帶水狀，

不是啫喱狀般稠，透明 ＆ 帶淡淡玫瑰花香，

含小分子透明質酸及維他命B3，

改善膚色不均及保濕。

 

 

每天潔面後拍上精華水，質地非常清爽，

拍打10下左右已經被吸收了，

沒有黏稠及油膩感，適合怕油感的我。

 

 

so smooth水潤柔嫩布甸乳霜 ($106.9/ 50ml)

精華水後接著塗上布甸乳霜，它是淡粉紅啫喱狀，

都是有淡淡玫瑰花香，有點像某牌的sleeping mask，

均勻塗抹後拍打至吸收，質地不膩。

 

 

一樣是改善膚色不均，但是更加深層保濕，

使肌膚飲飽水，幼滑水嫩有光澤，

塗抹後沒有加重肌膚負擔，冬天覺得不夠潤的話，

可再加上滋潤的面霜喔。

 

 

so blur 3重柔膚霜 ($149.9/ 30ml)

這柔膚霜適合平日素顏外出使用，

可即時柔膚，修飾毛孔及改善膚色，

而且有SPF15防曬功效，普通外出或室內絕對夠用。

 

 

如果在上妝底前塗上，可使粉底更貼服，

其保濕成份令底妝更持久，是開架底霜之選，

這個親民價格，真的沒什麼可挑剔了。

 

「產品由Watsons提供並在全線Watsons獨家發售」

 

 

 

♥ Thanks for reading ♥   

 

   Find me for more update :

♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥

Email : chrisc.makeup@ymail.com 

 

始終都係要排隊 ＠ LADY M

估唔到以為3點呢d時間唔洗排，但都係要排隊，

為左我honey想食，唯有等一陣啦!

不過提提大家，要人齊哂先俾你入去的。

 

2個女仔都係飲rose latte，玫瑰香味濃，

但latte就唔係幾夠滑啦！不過賣相加返分囉。

 

2個人食3件cake，以為係幾輕鬆食得到，點知，係食唔哂架 (爆)。

由淡至濃味介紹啦！首先係原味千層，每一啖都好滑好細緻，

cream & 奶香味濃，第一口食唔覺甜，食食下會覺得少d甜更好。

 

另外係伯爵茶味，我抱有好大期望，不過就有d失望，

伯爵茶味係幾香既，可惜太甜了。

 

最後係法式芝士，umm...中意cheese既我覺得口感好rich好滑，

軟滑既芝士令我心情大好，芝士味好濃郁，有齒夾留香既感覺，

不過之前果2件原味&法式打殘左我地，

我地食唔哂呢件cheese cake囉 (爆)

其實以呢個價錢係有d貴，除非佢間店唔係咁開揚，

坐得舒服d啦！否則以蛋糕質素黎講，

呢個價錢唔係好值得排隊食。

 

♥ Thanks for reading ♥   

   Find me for more update :

♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥

Email : chrisc.makeup@ymail.com 

九龍城嘆泰菜好選擇 @ 小曼谷海鮮燒烤屋

 

        

平日放假我最中意2點後去食lunch，因為過左放飯時間，

平時迫爆人既餐廳2點後會少人d。

今次就去九龍城小曼谷食泰菜，其實都唔係第一次食小曼谷，

佢地既泰菜真係做得不錯，保留左泰國風味之餘亦好岩香港人口味。

 

我地2點幾到，店內人流少左勁多，坐得舒服可以慢慢食吖。

店內雖然冇華麗裝修，但我感覺到泰風情喎 (笑)。

 

點餐前先黎個椰青($36)潤一潤先，其實我仲咳緊，

但慣左食泰菜就要飲椰青 (爆)，不得不提佢地個椰青勁大個，

而且非常清甜解渴，正啊！

 

朋友就揀左椰皇沙冰($28)，omg...呢個超級正，椰子味好濃厚，

又唔會太甜，如果我冇咳一定揀呢個飲，中意椰味既朋友必選。

 

我地點左泰皇咖哩炒海鮮($198)，推介 (^_-) 大大碟咖哩，

d汁好香好滑，唔會係好多椰味果隻咖哩，海鮮包括大蝦、

大蜆、青口、尤魚等等，全部海鮮都係好鮮甜飽滿，

肉質爽彈，加埋薄餅點多d多d咖哩汁，太滿足了。

 

另外有蒜爆胡椒炒珍寶大頭蝦($188)，估唔到咁大碟，

係整整兩大隻大頭蝦喎，離遠已經聞到蒜&胡椒香味，

一上檯已經控制唔到隻手，馬上拆蝦肉出黎食先，

蝦肉比較實淨彈牙，就算以咁濃味既蒜&胡椒去炒，

依然保持到鮮味，值得一試。

 

最後有泰式鮮蝦金邊粉($72)，我好中意幼幼既金邊粉，

加埋多芽菜同埋酸酸辣辣既味道，仲有少少咸蝦膏調下味，

好開胃架，加上佢炒得乾身唔油，所以可以食多d唔怕肥膩啦！

我覺得2個女仔食可以點泰皇咖哩炒海鮮+薄餅，

同埋炒大大碟大頭蝦已經非常飽，叫埋金邊粉可以足夠3個人食啊！

 

♥ Thanks for reading ♥   

 

 Find me for more update :

♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥

Email : chrisc.makeup@ymail.com 

最正爐邊芝士粟米 @ 炑八

韓燒食得多，但點解食極唔厭呢。今次去到尖沙咀店，預先book位，

去到唔洗等。初初有個店員serve得好好，不過總有害群之馬，

有2個店員表現得好唔友善+無禮貌，黑口黑面咀'秒秒'，好討厭 (>﹏<)

 

講返開心野先啦！就係order野食啦！好鬼肚餓啊！

諗緊既時候，就有大大碗沙律放喺我面前，

仲有kimchi & 大荳芽等涼菜，仲有生菜俾我地包住肉肉食添。

 

order好之後有我最愛既爐邊芝士粟米出場啦！

勁中意d芝士，岩哂我芝士控，食果時再索兩下，

嘩...唔得掂，正到暈啊！另外一邊係kimchi蛋，

記得唔好全熟先食，半生熟就最正，會滑d啊！

我地叫左特級牛肋骨 & 護心豬肉(蒜味)，不得不讚個豬肉，

好柔軟多肉汁，而牛肋骨肉真心好味，

單看脂肪分佈得咁靚仔就流哂口水啦！牛味算濃，未算入口即溶，

但韓燒黎講我覺得唔錯啦！

另外就係厚切豬腩肉，一大舊肥肉睇見都興奮，一層肥一層瘦，

燒4邊鎖住肉汁，再剪細細塊燒2到豬皮脆脆的，點d鹽食，正啊！

最後食埋呢個溶岩芝士炒飯，個樣好掂啊！

如果唔係怕太漏，加多d芝士仲正啊！炒飯入面有d kimchi碎，

配埋芝士唔會太漏，2個人食得哂喎 (爆)。

不過建議大家食燒肉食到咁上下先叫炒飯，趁熱食正好多。

 

飲品有柚子檸檬梳打 & 藍天使，

柚子果杯甜度正常，藍天使會比較甜喔！

整體覺得呢到每碟份量算多，食物質素幾好唔錯，

環境亦算舒適，食完唔會成身油煙味，抽風做得幾好啊！

 

♥ Thanks for reading ♥   

 

 Find me for more update :

♥ Blogspot  ♥   She Blog ♥ Beauty Exchange  

♥ theZtyle ♥♥ Qooza Beauty ♥  Youtube Channel♥ 

♥ Fan Page  ♥ Facebook ♥ Instagram ♥

Email : chrisc.makeup@ymail.com